କାମରେ ଆସିଲା କେବିସି ଜ୍ଞାନ, ଏବେ ମିଳିଲା ଏକା ସାଙ୍ଗରେ ଦୁଇ ଦୁଇଟି ସରକାରୀ ଚାକିରୀର ଅଫର

ବିହାର: ଲୋକପ୍ରୀୟ କୁଇଜ୍ ରିଆଲିଟି ସୋ ‘କନ୍ ବାନେଗା କରୋଡପତୀ’ ହଜାର ହଜାର ଲୋକଙ୍କ ସ୍ୱପ୍ନକୁ ପୂରଣ କରିଛି। ହଟ ସିଟରେ ବସିବା ପରେ କେହି କେହି ଲକ୍ଷପତି ହେଉଛନ୍ତି ତ କେହି କେହି କୋଟିପତି ମଧ୍ୟ ହେଉଛନ୍ତି । ତେବେ କଣ ଆପଣଙ୍କ ମନେ ଅଛି କି ୫ କୋଟି ଜିତିବାରେ ପ୍ରଥମ କୋଟିପତି କିଏ ଥିଲେ । ଯାହାଙ୍କ ପାଇଁ ଅମିତାଭ ବଚ୍ଚନଙ୍କ ସହ ହଟ ସିଟରେ ବସିବା ଠାରୁ ଆରମ୍ଭ କରି ୫କୋଟି ଜିତିବା ଏକ ସ୍ଵପ୍ନ ପରି ଥିଲା ।

ନିଜ ସ୍ୱପ୍ନକୁ ସାକାର କରିବା ପାଇଁ ବିହାରରୁ ମୁମ୍ବାଇ ଆସିଥିବା ମୋତିହାରୀର ହନୁମାନଗଡ ବାସିନ୍ଦା ସୁଶୀଲ କୁମାର ଗତ ୧୨ ବର୍ଷ ପୂର୍ବେ ୫ କୋଟି ଟଙ୍କା ଜିତି ଏହି ଚମତ୍କାର କରିଥିଲେ। ବର୍ତ୍ତମାନ ୧୨ ବର୍ଷ ପରେ, ତାଙ୍କ ଜ୍ଞାନ ଆଧାରରେ, ସେ ପୁଣି ଗୋଟିଏ ନୁହେଁ ଦୁଇ ଦୁଇଟି ସରକାରୀ ଚାକିରିର ଅଫର ପାଇଛନ୍ତି | ସେ ନିଜେ ସୋସିଆଲ ମିଡିଆରେ ଏହି ଖୁସି ଖବର ପ୍ରକାଶ କରିଛନ୍ତି…

ବିହାର ଜନସେବା ଆୟୋଗ ଯଥା BPSC ଏହାର ଅଫିସିଆଲ୍ ୱେବସାଇଟରେ BPSC TRE 2.O ର ଫଳାଫଳ ପ୍ରକାଶ କରିଛି | ଏହି ପରୀକ୍ଷାରେ ବିଦ୍ୟାଳୟ ଶିକ୍ଷକ ପଦ ପାଇଁ ମନୋନୀତ ପ୍ରାର୍ଥୀଙ୍କ ତାଲିକା ରହିଛି | ଏହି ପରୀକ୍ଷାରେ ଉଚ୍ଚ ଜ୍ଞାନ ଏବଂ ଅଭିଜ୍ଞତା ହେତୁ ସୁଶୀଲ କୁମାର ୧୧-୧୨ ଶ୍ରେଣୀର ମନୋବିଜ୍ଞାନ ବିଭାଗରେ ସ୍କୁଲ ଶିକ୍ଷକ ପଦ ପାଇଁ ଚୟନ ହୋଇଛନ୍ତି । ସେ ୧୧୯ ତମ ରାଙ୍କ ହାସଲ କରିଛନ୍ତି |

ଏହା ସହିତ ସେ ବିପିଏସସି ଶିକ୍ଷକ ୬-୮ ରେ ମଧ୍ୟ ସଫଳତା ହାସଲ କରିଛନ୍ତି | ସେ ସାମାଜିକ ବିଜ୍ଞାନ ବିଷୟ ପାଇଁ ମନୋନୀତ ହୋଇଛନ୍ତି, ଯେଉଁଥିରେ ତାଙ୍କର ରାଙ୍କ ୧୬୯୨ ଅଟେ | କେବିସି ଜିତିବା ପରେ ସୁଶୀଲ କୁମାର ଶିକ୍ଷା କ୍ଷେତ୍ରରେ କ୍ୟାରିୟର କରିବାକୁ ନିଷ୍ପତ୍ତି ନେଇଥିଲେ।