ନୂଆଦିଲ୍ଲୀ: ଆଜିକାଲି ଯେକୌଣସି ବ୍ୟକ୍ତିଙ୍କ ସହ ନିଜର ବ୍ୟକ୍ତିଗତ ବିବରଣୀ ସେୟାର କରିବା ଅତ୍ୟନ୍ତ ବିପଜ୍ଜନକ ହୋଇପଡିଛି। ଏପରି ପରିସ୍ଥିତିରେ ଫୋନ୍ ନମ୍ବର ହେଉଛି ବ୍ୟକ୍ତିଗତ ବିବରଣୀ ମଧ୍ୟରୁ ଗୋଟିଏ, ଯେଉଁଥିରେ ସମସ୍ତ ଡକ୍ୟୁମେଣ୍ଟ୍ ଲିଙ୍କ୍ ହୋଇଥାଏ। ପେଟିଏମ୍ ମାଧ୍ୟମରେ ପେମେଣ୍ଟ୍ କରିବା ସମୟରେ ଆପଣମାନଙ୍କ ମଧ୍ୟରୁ ଅନେକ ହୁଏତ ଜାଣନ୍ତି ନାହିଁ ଯେ ନିଜର ନମ୍ବର କିପରି ହାଇଡ ହୋଇପାରିବ। ଅନେକ ଥର ଆପଣଙ୍କ ନମ୍ବର ମଧ୍ୟ ସେହି ଲୋକଙ୍କ ପାଖକୁ ଯାଏ ଯେଉଁମାନଙ୍କୁ ଆପଣ ଆପଣଙ୍କର ନମ୍ବର ଦେବାକୁ ଚାହାଁନ୍ତି ନାହିଁ। ଏହି ସମସ୍ୟାକୁ ଏଡାଇବା ପାଇଁ, ଆମେ ଆପଣଙ୍କୁ କହିବୁ କିପରି ଆପଣ ପେଟିଏମ (Paytm) ରେ ଆପଣଙ୍କର ୟୁପିଆଇ (UPI) ଠିକଣା ବଦଳାଇ ପାରିବେ ଏବଂ ଏହାକୁ ଏପରି କରିପାରିବେ ଯାହା ଅନ୍ୟମାନଙ୍କୁ ଦୃଶ୍ୟମାନ ହେବ ନାହିଁ। ଏଥିପାଇଁ ଏହି ସରଳ କୌଶଳ ଅନୁସରଣ କରନ୍ତୁ।
ଯେକୌଣସି ୟୁପିଆଇ ପ୍ଲାଟଫର୍ମରେ ଆପଣଙ୍କର ଭର୍ଚୁଆଲ୍ ପ୍ରାଇଭେଟ୍ ଆଡ୍ରେଶ ବା ଠିକଣା (VPA) ପରିବର୍ତ୍ତନ କରିବା ସହଜ ଅଟେ। ଭିପିଏ ମାଧ୍ୟମରେ ପେଟିଏମରେ ଏହି ଠିକଣା ପରିବର୍ତ୍ତନ କରାଯାଇପାରିବ। ତେବେ ପେଟିଏମରେ ଆପଣଙ୍କର ନମ୍ବର ହାଇଡ କରିବାକୁ ଭିପିଏ କିପରି ପରିବର୍ତ୍ତନ କରିବେ ଆସନ୍ତୁ ଜାଣିବା..
- ପେଟିଏମରେ ଆପଣଙ୍କର ନମ୍ବର ହାଇଡ କରିବାକୁ ହେଲେ ଆପଣଙ୍କୁ ଭିପିଏ ପରିବର୍ତ୍ତନ କରିବାକୁ ପଡିବ। ଏହାକୁ ପରିବର୍ତ୍ତନ କରିବାକୁ ହେଲେ ଆପଣଙ୍କୁ କିଛି ପଦକ୍ଷେପ ଅନୁସରଣ କରିବାକୁ ପଡିବ। ଏଥିପାଇଁ ସର୍ବପ୍ରଥମେ ଆପଣଙ୍କର ପେଟିଏମ୍ ଆପ୍ ଖୋଲନ୍ତୁ।
- ଏହା ପରେ, ମେନ୍ୟୁ ଉପରେ କ୍ଲିକ୍ କରନ୍ତୁ। ଆପଣଙ୍କ ନାଁର ପ୍ରାରମ୍ଭିକ ସଂଖ୍ୟା ଏହାର ବାମ ପାର୍ଶ୍ୱରେ ଦେଖାଯିବ।
- ବର୍ତ୍ତମାନ ୟୁପିଆଇ ଏବଂ ପେମେଣ୍ଟ ସେଟିଂ ଯାଏଁ ତଳକୁ ସ୍କ୍ରୋଲ୍ କରନ୍ତୁ।
- ଏହା ପରେ, ପ୍ରଥମ ବିକଳ୍ପ ବା ଅପସନ ୟୁପିଆଇ ଆଇଡି ( UPI ID) ଶୋ ହେବ। ଏହାର ଡାହାଣ ପାର୍ଶ୍ୱରେ ଥିବା ଏଡିଟ୍ ଆଇକନ୍ ଉପରେ କ୍ଲିକ୍ କରନ୍ତୁ।
- ପରବର୍ତ୍ତୀ ୱିଣ୍ଡୋରେ, ନୂତନ ୟୁପିଆଇ ଆଇଡି ଯୋଡିବା ଅପସନ ଉପରେ କ୍ଲିକ୍ କରନ୍ତୁ।
- ଏଠାରେ ଆପଣଙ୍କୁ ଆପଣଙ୍କର ଫୋନ୍ ନମ୍ବର, ଆକାଉଣ୍ଟ୍ ନମ୍ବର ଏବଂ ନାମ ଧାରଣ କରିଥିବା ଅନେକ ଅପସନ ଦେଖାଯିବ।
- ଏହି ପ୍ରକ୍ରିୟା ଅନୁସରଣ କରିବା ପରେ, ଆପଣଙ୍କର ଭିପିଏ ପରିବର୍ତ୍ତନ ହେବ। ଆପଣ ସମାନ ପ୍ରକ୍ରିୟା ଅନୁସରଣ କରି ଗୁଗୁଲ୍ ପେ, ଫୋନ୍ ପେ, ବିଏଚଆଇଏମ (BHIM) ଏବଂ ଅନ୍ୟ ୟିପିଆଇ (UPI) ପ୍ଲାଟଫର୍ମରୁ ମଧ୍ୟ ଆପଣଙ୍କର ନମ୍ବର ହାଇଡ କରି ପାରିବେ।
Comments are closed.