ଥିରୁଅନନ୍ତପୁରମ: କେରଳରେ ଚିନ୍ତା ବଢାଇଲାଣି ନାଇଲ ଫିଭର । କେରଳରେ ୱେଷ୍ଟ ନାଇଲ ଫିଭର (ଡବ୍ଲ୍ୟୁଏନ୍ଏଫ) ବ୍ୟାପିବାରେ ଲାଗିଛି। ଏହାକୁ ନେଇ ରାଜ୍ୟରେ ଚେତାବନୀ ଜାରି କରିଛନ୍ତି ରାଜ୍ୟ ସରକାର।
ରିପୋର୍ଟ ଅନୁଯାୟୀ କେରଳର କୋଝିକୋଡ଼, ତ୍ରିଶୁର ଏବଂ ମଲ୍ଲପୁରମରୁ ୬ ମାମଲା ସାମ୍ନାକୁ ଆସିଛି। ତ୍ରିଶୁରରେ ଜଣେ ୭୯ ବର୍ଷୀୟ ବୃଦ୍ଧ ପ୍ରାଣ ହରାଇଥିବା ସୂଚନା ମିଳିଛି। ଆମେରିକାର ସେଣ୍ଟର ଫର୍ ଡିଜିଜ କଣ୍ଟ୍ରୋଲ ଆଣ୍ଡ ପ୍ରିଭେନସନ ଅନୁଯାୟୀ ମଶା କାମୁଡ଼ିଲେ ଏହି ରୋଗ ହୋଇଥାଏ। ଜ୍ବର ସହିତ ବାନ୍ତି, ଝାଡ଼ା ଏବଂ ମୁଣ୍ଡବିନ୍ଧି ଥାଏ। ଏହି ଜ୍ବରର ୧୦ରୁ ୬ ମାମଲାରେ କୌଣସି ଲକ୍ଷଣ ଦେଖାଯାଇ ନ ଥାଏ। ଏଭଳି ସ୍ଥିତିରେ କେରଳ ସ୍ବାସ୍ଥ୍ୟ ବିଭାଗ ପକ୍ଷରୁ କୌଣସି ତଥ୍ୟ ସେୟାର କରାଯାଇ ନାହିଁ। ତେବେ ସ୍ବଚ୍ଛତା ଅଭିଯାନ ଆରମ୍ଭ କରି ମଶା ବଂଶବୃଦ୍ଧି ହେବାକୁ ନ ଦେବା ପାଇଁ ସବୁ ଜିଲ୍ଲା ଏବଂ ସ୍ଥାନୀୟ କର୍ତ୍ତୃପକ୍ଷଙ୍କୁ ସ୍ବାସ୍ଥ୍ୟମନ୍ତ୍ରୀ ବୀଣା ଜର୍ଜ ନିର୍ଦ୍ଦେଶ ଦେଇଛନ୍ତି।
Comments are closed.