ଇରାନାକୁଲମ: ଏଠାକାର ସ୍ଥାନୀୟ ବାସିନ୍ଦା ଜୋସେଫ ଫ୍ରାନ୍ସିସ୍ ତାଙ୍କ ଛାତ ଉପରେ ୪୦ ପ୍ରକାରର ଆମ୍ବ ଗଛ ଲଗାଇ ସେହି ଅଂଚଳର ଚର୍ଚ୍ଚାର କେନ୍ଦ୍ର ସାଜିଛନ୍ତି । ୧୮୦୦ ସ୍କ୍ୱାୟରଫୁଟ ଛାତ ଉପରେ ସେ ନିଜସ୍ୱ ଜ୍ଞାନ କୌଶଳରେ ଆମ୍ବ ଗଛ ଲଗାଇଥିଲେ । ୬୩ ବର୍ଷୀୟ ଜୋସେଫ ପେଶାରେ ଜଣେ ଏସି ମେକାନିକ୍ । ମାତ୍ର ତାଙ୍କ ରକ୍ତରେ ଚାଷୀର ଗୁଣ ରହିଥିଲା କହିଲେ ଭୁଲ ହେବନି । ପିଲା ବେଳେ ବିଭିନ୍ନ ପ୍ରକାରର ଗୋଲାପ ଓ ଛତୁ ଚାଷ କରିଥିଲେ । ତେବେ ଆମ୍ବ ଗଛ ତାଙ୍କୁ ପ୍ରସିଦ୍ଧି ଦେଇଛି କହିଲେ ଭୁଲ ହେବ ନାହିଁ ।
ପିଭିସି ଡ୍ରମରେ ମାଟି ରଖି ସେ ଛାତ ଉପରେ ଗଛ ଲଗାଇବା ଆରମ୍ଭ କରିଥିଲେ । ଅତ୍ୟଧିକ ପାଣି ହେଲେ ଯେପରି ନିଗିଡି ଯିବ ସେଥିପାଇଁ ପିଭିସି ଡ୍ରମ ତଳେ ଷ୍ଟାଣ୍ଡ ତିଆରି କରିଥିଲେ । ଯାହା ଫଳରେ ଆବଶ୍ୟକ ପଡିଲେ ଗଛକୁ ସ୍ଥାନାନ୍ତରିତ କରାଯାଇ ପାରିବ । ନିଜ ଷ୍ଟାଇଲରେ ସେ ଭିନ୍ନ କିସମର ଆମ୍ବ ଉତ୍ପାଦ କରିପାରିଛନ୍ତି । ଏଥିରେ ସବୁଠାରୁ ମିଠା ଆମ୍ବର ନାମ ପାଟ୍ରିସିଆ ରଖିଛନ୍ତି । ଯାହା କି ତାଙ୍କ ପତ୍ନୀଙ୍କ ନାମ । ଆଲଫାନ୍ସୋ, ଚନ୍ଦ୍ରକରଣ, ନୀଲମ, ମାଲଗୋଭା ପରି ଦାମୀ ଆମ୍ବ ଗଛ ରଖିଛନ୍ତି । ଏଥିପାଇଁ ପ୍ରତ୍ୟେକ ଦିନ ତାଙ୍କ ଛାତ ଉପରେ ଭିଡ ଲାଗି ରହୁଛି ।
Comments are closed.