ନୂଆଦିଲ୍ଲୀ: ଗୁଳିକାଣ୍ଡ ମାମଲାରେ ପ୍ରସିଦ୍ଧ ଶିକ୍ଷକ ଖାନ ସାର୍ ଶନିବାର ପାଟନା ସିଭିଲ୍ କୋର୍ଟରେ ଆତ୍ମସମର୍ପଣ କରିଛନ୍ତି। ତେବେ ଅନୁମାନ କରାଯାଉଥିଲା ଯେ ପୋଲିସ ତାଙ୍କୁ ଗିରଫ କରିପାରେ। ଖାନ ସାରଙ୍କ ଓକିଲ ସ୍ପଷ୍ଟ କରିଛନ୍ତି ଯେ ସେ ପାଟନା ସିଭିଲ୍ କୋର୍ଟରେ ପ୍ରବେଶ କରିଛନ୍ତି।
ଉଲ୍ଲେଖଯୋଗ୍ୟ ଯେ ଗତ ମଙ୍ଗଳବାର ରାତିରେ ପାଟନାର ମୁସଲ୍ଲାପୁରରେ ଖାନ ସାରଙ୍କ କୋଚିଂ ଇନଷ୍ଟିଚ୍ୟୁଟ୍ ବାହାରେ ଗୁଳିଚାଳନା ଏବଂ ହିଂସା ଘଟିଥିଲା। ଏନେଇ କଦୁମକାନ୍ ପୋଲିସ ଷ୍ଟେସନରେ ଏକ ମାମଲା ରୁଜୁ କରାଯାଇଛି। ସେମାନେ ଖାନ ସାରଙ୍କ ନିର୍ଦ୍ଦେଶରେ ଗୁଳି ଚଳାଇଥିଲେ ବୋଲି କହିଛନ୍ତି ଗାର୍ଡ ମାନେ । ପୋଲିସ ସେମାନଙ୍କ ବିରୁଦ୍ଧରେ ହତ୍ୟା ଉଦ୍ୟମ ଏବଂ ଅସ୍ତ୍ରଶସ୍ତ୍ର ଆଇନ ଅନୁଯାୟୀ ମାମଲା ରୁଜୁ କରିଛି।
ଶୁକ୍ରବାର ସନ୍ଧ୍ୟାରୁ ତାଙ୍କ କୋଚିଂ ସେଣ୍ଟର ବାହାରେ ସୁରକ୍ଷା ବ୍ୟବସ୍ଥା କଡ଼ାକଡ଼ି କରାଯାଇଥିଲା। ଏକ ବଡ଼ ପୋଲିସ ଫୋର୍ସ ମୁତୟନ କରାଯାଇଥିଲା। ଏହା ମନେ ହେଉଥିଲା ଯେ ଖାନ ସାରଙ୍କୁ ଯେକୌଣସି ସମୟରେ ଗିରଫ କରାଯାଇପାରିବ। ଯଦିଓ ବିଳମ୍ବିତ ରାତି ପର୍ଯ୍ୟନ୍ତ ପୋଲିସ ତାଙ୍କୁ ଗିରଫ କରିପାରି ନଥିଲା।
Comments are closed.