ମୁମ୍ବାଇ: ଛୋଟପରଦାର ସବୁଠୁ ଅଧିକ ଲୋକପ୍ରିୟ ଶୋ ହେଉଛି ‘ଖତରୋଁ କେ ଖିଲାଡ଼ି’ । ଏହାର ସୁଟିଂ ଏବେ ଦକ୍ଷିଣ ଆଫ୍ରିକାର କେପଡ଼ାଉନ୍ରେ ଜୋରସୋରରେ ଚାଲିଛି । ସୁଟିଂ ସମୟରେ ଅନେକ ପ୍ରତିଯୋଗୀ ଆହତ ମଧ୍ୟ ହେଉଛନ୍ତି । ଏସବୁ ମଧ୍ୟରେ ଶୋ’ର ପ୍ରତିଯୋଗୀମାନେ ସୋସିଆଲ ମିଡିଆରେ ପ୍ରଶଂସକଙ୍କ ସହ ପ୍ରତ୍ୟେକ ଅପଡେଟ୍ ମଧ୍ୟ ସେୟାର କରୁଛନ୍ତି ।
ଖତରୋଁ କେ ଖିଲାଡ଼ି ସିଜିନ୍ ୧୩ରେ ଗୁରୁତର ହେଲେ ନାଇରା ବାନାର୍ଜୀ । ସେ ସୁଟିଂ ସମୟରେ ଆଘାତ ପାଇଁ ଗୁରୁତର ହୋଇଛନ୍ତି । ସେ ପାଣିରେ ଷ୍ଟଣ୍ଟ କରୁଥିବା ବେଳେ ତାଙ୍କ ହାତରେ ଗଭୀର ଆଘାତ ଲାଗିଥିଲା । ଆହତ ହୋଇ ମଧ୍ୟ ଉତ୍ସାହର ସହିତ ସେ ତାଙ୍କର ଷ୍ଟଣ୍ଟ ପୂରଣ କରିବାରେ ସଫଳ ହୋଇଥିଲେ । ଏହାର ଫଟୋ ଅଭିନେତ୍ରୀ ଏଶ୍ୱର୍ଯ୍ୟା ଶର୍ମା ସୋସିଆଲ ମିଡ଼ିଆରେ ସେୟାର କରିଥିଲେ ।
ଖତରୋଁ କେ ଖିଲାଡ଼ିର ୧୪ ପ୍ରତିଯୋଗୀଙ୍କ ମଧ୍ୟରୁ ପୂର୍ବରୁ ରୋହିତ ରୟ, ଅର୍ଜିତ ତାନେଜା ଏବଂ ଏଶ୍ୱର୍ଯ୍ୟା ଶର୍ମା ଷ୍ଟଣ୍ଟ ପ୍ରଦର୍ଶନ କରୁଥିବା ସମୟରେ ଆହତ ହୋଇଛନ୍ତି ।
Comments are closed.