ନୂଆଦିଲ୍ଲୀ: ଘରୋଇ ପରିବେଶରେ ଇଂଲଣ୍ଡ ବିପକ୍ଷରେ ଭାରତ କ୍ରିକେଟ ଦଳ ୫ ମ୍ୟାଚ ବିଶିଷ୍ଟ ଟି୨୦ ସିରିଜ ଓ ୩ଟି ଦିନିକିଆ ମ୍ୟାଚ ଖେଳିବ । ଟି୨୦ ସିରିଜ ପାଇଁ ଭାରତୀୟ ଦଳର ଘୋଷଣା ହୋଇ ସାରିଛି । ଦିିନିକିଆ ସିରିଜ ପାଇଁ ଖୁବ ଶୀଘ୍ର ଦଳ ଘୋଷଣା କରାଯିବ । ଭାରତର ଷ୍ଟାର ବ୍ୟାଟ୍ସମ୍ୟାନ ବିରାଟ କୋହଲିଙ୍କ ନିକଟରେ ଦିନିକିଆ ମୁକାବିଲାରେ ବଡ ଉପଲବ୍ଧି ହାସଲ କରିବା ସୁଯୋଗ ରହିଛି । କୋହଲି ଦିନିକିଆ କ୍ରିକେଟରେ ୧୩୯୦୬ ରନ କରିଛନ୍ତି । ସେ ଏହି ୩ ମ୍ୟାଚ ବିଶିଷ୍ଟ ସିରିଜରେ ୯୪ ରନ କଲେ ୧୪୦୦୦ ରନ କ୍ଲବରେ ସାମିଲ ହେବେ । ବିଶ୍ୱ କ୍ରିକେଟରେ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକର ଓ କୁମାର ସଙ୍ଗକାରା ଏହି କୀର୍ତିମାନ ସ୍ଥାପନ କରିଛନ୍ତି ।
ସଚିନ ଓଭରାଲ ୧୮୪୨୬ ରନ କରିଥିବା ବେଳେ ସଙ୍ଗକାରା ୧୪୨୩୪ ରନ ହାସଲ କରିଛନ୍ତି । କୋହଲି ୧୩୯୦୬ ରନ ସହ ତୃତୀୟ ସ୍ଥାନରେ ରହିଛନ୍ତି । ତାଙ୍କ ପଛକୁ ରିକି ପଂଟିଂ ୧୩୭୦୪ ଓ ସନଥ ଜୟସୂରିୟା ୧୩୪୩୦ ରନ ସହ ଚତୁର୍ଥ ଓ ପଂଚମ ସ୍ଥାନରେ ରହିଛନ୍ତି । ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ କୋହଲି ନୈରାଶ୍ୟଜନକ ପ୍ରଦର୍ଶନ କରିଥିଲେ । ଏବେ ତାଙ୍କ ପ୍ରଦର୍ଶନ ଉପରେ ଚୟନ କମିଟିଙ୍କ ତୀକ୍ଷଣ ନଜର ରହିଛି ।