ନୂଆଦିଲ୍ଲୀ: ସାଉଥ ସୁପରଷ୍ଟାର ପ୍ରଭାସ ବର୍ତ୍ତମାନ ସମୟରେ ଭାରତୀୟ ସିନେମାର ଅନ୍ୟତମ ଡିମାଡିଂ ଅଭିନେତା ପାଲଟିଛନ୍ତି। ବଲିଉଡରୁ ସାଉଥ୍ ଇଣ୍ଡଷ୍ଟ୍ରି ପର୍ଯ୍ୟନ୍ତ ବଡବଡ ନିର୍ଦ୍ଦେଶକମାନେ ପ୍ରଭାସଙ୍କ ସହ କାମ କରିବାକୁ ଇଚ୍ଛୁକ।
ଏହାରି ମଧ୍ଯରେ ଖବର ଆସିଛି ଯେ ପ୍ରଭାସଙ୍କ ‘ସାଲାର ୨’ରେ ଜଣେ ଫେମସ୍ କୋରିଆନ ସୁପରଷ୍ଟାର ଡନ ଲି’ଙ୍କ ଏଣ୍ଟ୍ରି ହୋଇପାରେ।
ନଭେମ୍ବର ୯ ତାରିଖରେ ‘ଟ୍ରେନ୍ ଟୁ ବୁସାନ୍’ର ଅଭିନେତା ଡନ୍ ଲି ପ୍ରଭାସଙ୍କ ଅଭିନୀତ ‘ସାଲାର ପାର୍ଟ ୧’ର ଏକ ଫଟୋ ଶେୟାର କରିଥିଲେ। ଡନ୍ ଲି ପ୍ରଭାସଙ୍କ ଏହି ଫଟୋ ସେୟାର କରିବା ପରେ ପ୍ରଶଂସକଙ୍କ ମାନେ ଭିନ୍ନଭିନ୍ନ କଳ୍ପନାଜଳ୍ପନା ଚଳାଇଛନ୍ତି।
ଅନେକ ୟୁଜର୍ସ ଭାବୁଛନ୍ତି ଯେ ନିର୍ମାତାମାନେ ବର୍ତ୍ତମାନ ଡନ୍ ଲିଙ୍କୁ ‘ସାଲାର୍ ୨’ରେ ଭିଲେନ୍ ଭାବରେ କାଷ୍ଟ କରୁଛନ୍ତି। ତେବେ ‘ସାଲାର୍ ୨’ ବ୍ୟତୀତ ପ୍ରଭାସଙ୍କ ଅପକମିଂ ଫିଲ୍ମ ‘ସ୍ପିରିଟ୍’ରେ ଡନ୍ ଲି ଏଣ୍ଟ୍ରି କରିପାରନ୍ତି ବୋଲି ମଧ୍ୟ ଚର୍ଚ୍ଚା ହେଉଛି।
Comments are closed.