ମୁମ୍ବାଇ: ଛୋଟ ପରଦାର ଲୋକପ୍ରିୟ ଅଭିନେତା କୁଶାଲ ଟଣ୍ଡନ୍ ୬ ବର୍ଷ ପରେ ପୁଣି ଛୋଟ ପରଦାକୁ ଫେରୁଛନ୍ତି । ଦୀର୍ଘ ସମୟ ଧରି ଛୋଟ ପରଦାରୁ ଦୂରେଇ ରହିଥିଲେ ମଧ୍ୟ ସୋସିଆଲ ମିଡ଼ିଆରେ କିନ୍ତୁ ସକ୍ରୀୟ ଥିଲେ । କୁଶାଲ ଫେରିବା ଖବର ପାଇବା ପରେ ତାଙ୍କୁ ପରଦାରେ ଦେଖିବା ପାଇଁ ପ୍ରଶଂସକମାନେ ଉତ୍ସାହିତ ଅଛି ।
ଟିଭି ଦୁନିଆରେ ଏକ ଦଶନ୍ଧିରୁ ଅଧିକ ସମୟ ଅତିବାହିତ କରିଥିବା କୁଶାଲ ଏବେ ଏକତା କପୁରଙ୍କ ନୂଆ ଧାରାବାହିକରେ ନଜର ଆସିବେ । ଏହି ଧାରାବାହିକଟି ପ୍ରେମ କାହାଣୀକୁ ନେଇ ପରିବେଷିତ ହେବ । ଏଥିରେ କୁଶାଲ ନିଜ ଅଭିନୟର ଯାଦୁ ଦେଖାଇପାରେ । ତେଣୁ ଏହି ଭୂମିକାଟି କୁଶାଲଙ୍କ ପାଇଁ ଉପଯୁକ୍ତ । ମେ ମାସରେ ଏହି ଧାରାବାହିକ ପ୍ରସାରଣ ହେବ ।
କୁଶାଲ ଷ୍ଟାର ପ୍ଲସରେ ପ୍ରସାରିତ ଧାରାବାହିକ ‘ଏକ୍ ହଜାରୋ ମୈ ମେରୀ ବେହେନା ହୈ’ରେ ନିଜର ଅଭିନୟ କ୍ୟାରିଅର୍ ଆରମ୍ଭ କରିଥିଲେ । ଏହି ଧାରାବାହିକରେ ସେ ନିଆ ଶର୍ମାଙ୍କ ବିପକ୍ଷରେ ଅଭିନୟ କରିଥିଲେ । ଏଥିରେ କୁଶାଲଙ୍କ ଅଭିନୟକୁ ଲୋକେ ଖୁବ୍ ପସନ୍ଦ କରିଥିଲେ । ପରେ କ୍ରମାଗତ ଭାବେ ତିନୋଟି ରିଅଲିଟି ଶୋରେ ନଜର ଆସିଥିଲେ । ଏଥିସହ ‘ ବିଗ୍ ବସ୍ ୭’ରେ ପ୍ରତିଯୋଗୀ ସାଜିବା ସହ ଦୁଇଟି ୱେବ୍ ସିରିଜରେ ମଧ୍ୟ କାମ କରିଛନ୍ତି ।
Comments are closed.