ଫୁଲବାଣୀ: ୫ ହଜାର ଲାଞ୍ଚ ନେଇ ଧରାପଡ଼ିଲେ ଆଇସିଡିଏସ ସୁପରଭାଇଜର । ଫିରିଙ୍ଗିଆ ଆଇସିଡିଏସ ସୁପରଭାଇଜର ଶୈଳବାଳା ସାହୁଙ୍କୁ ଧରିଲା ଭିଜିଲାନ୍ସ । ମିନି ଅଙ୍ଗନବାଡ଼ିରୁ ଅତିରିକ୍ତ ଅଙ୍ଗନବାଡ଼ି କରିବାକୁ ମୁର୍ଜା ଅଙ୍ଗନବାଡ଼ି କର୍ମୀଙ୍କ ଠାରୁ ୫ ହଜାର ଲାଞ୍ଚ ନେଇ ଧରାପଡ଼ିଲେ ସୁପରଭାଇଜର ।
ସୂଚନା ଅନୁସାରେ, କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଆଇସିଡିଏସ୍ ସୁପରଭାଇଜର ଶୈଳବାଳା ସାହୁ ମୁର୍ଜା ଗ୍ରାମ ସ୍ଥିତ ମିନି ଅଙ୍ଗନବାଡ଼ିକୁ ଅତିରିକ୍ତ ଅଙ୍ଗନବାଡ଼ି କରିବାକୁ ଜଣେ ଅଙ୍ଗନବାଡି କର୍ମୀଙ୍କୁ ୧୦ ହଜାର ଟଙ୍କା ଲାଞ୍ଚ ମାଗଥିଲେ । ପୂର୍ବରୁ ଉକ୍ତ ଅଙ୍ଗବାଡି କର୍ମୀ ୫ ହଜାର ଟଙ୍କା ଦେଇଥିଲେ । ପରେ ଏନେଇ ଭିଜିଲାନ୍ସର ଦ୍ଵାରସ୍ତ ହୋଇଥିଲେ ଉକ୍ତ ଅଙ୍ଗନବାଡି କର୍ମୀ । ପୂର୍ବ ଯୋଜନା ଅନୁସାରେ ଆଜି ଉକ୍ତ ଅଙ୍ଗନବାଡି କର୍ମୀ ଜଣଙ୍କ ସୁପରଭାଇଜର ଶୈଳବାଳା ସାହୁଙ୍କୁ ବାକି ୫ ହଜାର ଟଙ୍କା ଲାଞ୍ଚ ଦେଉଥିବା ପୂର୍ବରୁ ଳୁଚି ବସିଥିବା ଭିଜିଲାନ୍ସ ତାଙ୍କୁ ମାଡି ବସିଥିଲା । ଭିଜିଲାନ୍ସ ଟିମ୍ ଶୈଳବାଳାଙ୍କୁ ଧରିବା ସହିତ ତାଙ୍କଠାରୁ ସମସ୍ତ ଲାଞ୍ଚ ଅର୍ଥ ଜବତ କରିଛି । ସେପଟେ ଶୈଳବାଳାଙ୍କ ବାସଭବନ ସମେତ ୨ଟି ସ୍ଥାନରେ ଚଢାଉ କରିଛି ଭିଜିଲାନ୍ସ ।
Comments are closed.