ମୁମ୍ବାଇ: ଆଇପିଏଲର ପ୍ରତିଷ୍ଠାତା ଲଳିତ ମୋଦୀ ପୁନର୍ବାର ପ୍ରେମରେ ପଡିଥିବା ନେଇ ଚର୍ଚ୍ଚା ଜୋର ଧରିଛି । ୫୯ ବର୍ଷୀୟ ମୋଦୀ ସୁସ୍ମିତା ସେନଙ୍କ ପରେ ଲୋକପ୍ରିୟ ସୁପର ମଡେଲ ଉଜ୍ଜ୍ୱଲା ରାଉତ ଓ ତାଙ୍କୁ ଏକତ୍ର ଦେଖିବାକୁ ମିଳୁଛି । ପଦ୍ମ ଭୂଷଣ ପୁରସ୍କାର ପ୍ରାପ୍ତ ସଲିସିଟର ଜେନେରାଲ ହରିଶ ସାଲଭେଙ୍କ ତୃତୀୟ ବିବାହ ଅବସରରେ ମୋଦୀ ଓ ଉଜ୍ଜ୍ୱଲାଙ୍କ କେମେଷ୍ଟ୍ରି ସମସ୍ତଙ୍କ ଦୃଷ୍ଟି ଆକର୍ଷଣ କରିଥିଲା । ଲାଭେଣ୍ଡର ରଙ୍ଗର ଗାଉନ ପିନ୍ଧିଥିବା ଉଜ୍ଜ୍ୱଲା ଓ ମୋଦୀ ବିଭିନ୍ନ ପୋଜରେ ଫଟୋ ମଧ୍ୟ ସୋସିଆଲ ମିଡିଆରେ ଛାଡିଛନ୍ତି । ପୂର୍ବରୁ ସୁସ୍ମିତାଙ୍କ ସହ ତାଙ୍କ ନାମ ଯୋଡାଯାଇଥିଲା । ଏବେ ଉଭୟ ପରସ୍ପରଠାରୁ ଅଲଗା ହୋଇ ଯାଇଛନ୍ତି ।
ଉଜ୍ଜ୍ୱଲା ୯୦ ଦଶକରେ ମଡେଲ ଭାବେ ନିଜର ସ୍ୱତନ୍ତ୍ର ପରିଚୟ ସୃଷ୍ଟି କରିଥିଲେ । ୧୯୯୬ ମିସ ଇଣ୍ଡିଆର ଫାଇନାଲିଷ୍ଟ ମଧ୍ୟ ସେ ହୋଇଥିଲେ । ଅପରପକ୍ଷରେ ମୋଦୀ କୋଟି କୋଟି ଟଙ୍କାରୁ ଦେଶରୁ ଠକି ପଳାଇ ଯାଇଛନ୍ତି । ତାଙ୍କୁ ଭାରତ ଅଣାଯିବା ପାଇଁ ସରକାର ଉଦ୍ୟମ ଜାରୀ ରଖିଥିଲେ ମଧ୍ୟ ସଫଳ ହୋଇପାରି ନାହାନ୍ତି । ତେବେ ମୋଦୀ କିମ୍ବା ଉଜ୍ଜ୍ୱଲା ତାଙ୍କ ସମ୍ପର୍କକୁ ନେଇ କିଛି ବି କହି ନାହାନ୍ତି ।
Comments are closed.