ପାଟନା: ବିହାରର ପୂର୍ବତନ ମୁଖ୍ୟମନ୍ତ୍ରୀ ତଥା ରାଷ୍ଟ୍ରୀୟ ଜନତା ଦଳର ସୁପ୍ରିମୋ ଲାଲୁ ପ୍ରସାଦ ଯାଦବ ସିଢିରୁ ପଡି ଆହତ ହୋଇଛନ୍ତି । ତାଙ୍କ କାନ୍ଧ ଓ ଅଂଟାରେ ଆଘାତ ଲାଗିଛି । ରବିବାର ରାବ୍ରି ଦେବୀଙ୍କ ବାସଭବନରୁ ସିଢିରୁ ଓହ୍ଲାଉଥିବା ସମୟରେ ତାଙ୍କ ଗୋଡ ଖସି ଯାଇଥିଲା । ଲାଲୁଙ୍କୁ ସଙ୍ଗେ ସଙ୍ଗେ ଚିକିତ୍ସା ପାଇଁ ନିକଟସ୍ଥ କଙ୍କଡାବାଗର ଏକ ଘରୋଇ ଡାକ୍ତରଖାନାରେ ଭର୍ତି କରାଯାଇଥିଲା । କାନ୍ଧ ହାଡରେ ସାମାନ୍ୟ ଭାଙ୍ଗିଥିବା ଜଣାପଡିଛି । ଏବେ ସେ ସୁସ୍ଥ ଅଛନ୍ତି ଏବଂ ତାଙ୍କୁ ବିଶ୍ରାମ କରିବା ପାଇଁ ଡାକ୍ତର ପରାମର୍ଶ ଦେଇଛନ୍ତି । ପୂର୍ବରୁ ଲାଲୁ ବିଭିନ୍ନ ରୋଗରେ ଆକ୍ରାନ୍ତ ହୋଇ ଚିକିତ୍ସିତ ହେଉଛନ୍ତି । କିଡନୀ ପ୍ରତ୍ୟରୋପଣ ପାଇଁ ସେ ବିଦେଶ ଯିବେ ବୋଲି ରିପୋର୍ଟ ପ୍ରକାଶ ପାଇଥିଲା । ଏହି ଦୁର୍ଘଟଣା ପରେ ଏଥିନେଇ ବିଳମ୍ବ ହେବ ବୋଲି ଅନୁମାନ କରାଯାଉଛି ।
Comments are closed.