ଗଞ୍ଜାମ: ଭାଇକୁ ହତ୍ୟା କଲା ଭାଇ । ସମ୍ପର୍କୀୟ ଭାଇ ହୋଇଥିଲେ ମଧ୍ୟ ଜମି ଜମାକୁ ନେଇ ସ୍ଥିତି ଏପରି ଉପୁଜିଥିଲା ଯେ ଭୁଲିଗଲେ ରକ୍ତର ସମ୍ପର୍କ । ଆଉ ଶେଷରେ ଧାରୁଆ ଲୁହା ରଡରେ ଆକ୍ରମଣ କରିବାରୁ କୁଲୁ ପ୍ରଧାନର ମୃତ୍ୟୁ ଘଟିଛି। ଗଞ୍ଜାମ ଜିଲ୍ଲା ପାଟପୁର ଥାନା ଅନ୍ତର୍ଗତ ବାସୁଦେବପୁର ଗ୍ରାମରେ ଏଭଳି ଏକ ଅଭାବନୀୟ ଘଟଣା ଘଟିଛି।
ଜମିଜମା ବିବାଦକୁ ନେଇ ଶୁକ୍ରବାର ରାତିରେ ପ୍ରଥମେ ବଚସା ପରେ ନିର୍ମମ ହତ୍ୟା କାଣ୍ଡ ଘଟିଥିବା ଅଭିଯୋଗ ହୋଇଛି। ମୃତକ ହେଲେ ବାସୁଦେବପୁର ଗାଁର କଂସ ପ୍ରଧାନଙ୍କ ପୁଅ କୁଲୁ ପ୍ରଧାନ।
ସୂଚନା ଅନୁଯାୟୀ, ଆକ୍ରମଣ ପରେ କୁଲୁଙ୍କୁ ଚିକିତ୍ସା ପାଇଁ ଆଡପଡା ମେଡିକାଲରେ ଭର୍ତ୍ତି କରାଯାଇଥିବା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ଖବର ପାଇ ପାଟପୁର ଥାନା ପୁଲିସ ଘଟଣାସ୍ଥଳରେ ପହଞ୍ଚି ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇଛି।
ସେପଟେ ହତ୍ୟାକାଣ୍ଡରେ ଅଭିଯୁକ୍ତ ସମ୍ପର୍କୀୟ ଭାଇକୁ ଥାନାରେ ଅଟକ ରଖି ଅଧିକ ତଦନ୍ତ ଜାରି ରଖିଛି।
Comments are closed.