ଭାରତୀୟ ଘରୋଇ କ୍ରିକେଟର କିମ୍ବଦନ୍ତୀ ଖେଳାଳି ରାଜିନ୍ଦର ଗୋୟଲଙ୍କ ଦେହାନ୍ତ । ଗତକାଲି ୭୭ ବର୍ଷ ବୟସରେ ତାଙ୍କର ପରଲୋକ ହୋଇଛି । ବହୁଦିନରୁ ସେ ଅସୁସ୍ଥ ଥିଲେ । ହରିଆଣାର ରୋହତକ ସ୍ଥିତ ନିଜ ବାସଭବନରେ ସେ ଶେଷ ନିଶ୍ୱାସ ତ୍ୟାଗ କରିଛନ୍ତି ।
ହରିଆଣା ତରଫରୁ କ୍ରିକେଟ କ୍ୟାରିୟର ଆରମ୍ଭ କରିଥିଲେ ରାଜିନ୍ଦର ଗୋୟଲ। ୨୪ ବର୍ଷ କ୍ୟାରିୟରରେ ୭୫୦ଟି ଓ୍ବିକେଟ ନିଜ ନାଁରେ କରିଥିଲେ । ଏହାସହ ସେ ପଞ୍ଜାବ ଓ ଦିଲ୍ଲୀ ପକ୍ଷରୁ ମଧ୍ୟ ମ୍ୟାଚ ଖେଳିଥିଲେ । ରଣଜୀ ଟ୍ରଫିରେ ୬୪୦ ଓ୍ବିକେଟର ଅଧିକାରୀ ରାଜିନ୍ଦର ଗୋୟଲ। ଏହି ରେକର୍ଡ ବର୍ତ୍ତମାନ ପର୍ୟ୍ୟନ୍ତ ତାଙ୍କ ନାଁରେ ରହିଛି ।
ଘରୋଇ କ୍ରିକେଟରେ ୭୫୦ ଓ୍ବିକେଟ ନେଇଥିଲେ ବି ଭାରତୀୟ ଦଳରେ ଖେଳିବାର କେବେ ସୁଯୋଗ ପାଇ ନଥିଲେ ରାଜିନ୍ଦର ଗୋୟଲ। କେବଳ ଗୋଟିଏ ଟେଷ୍ଟ ପାଇଁ ଚୟନ ହୋଇଥିଲେ ବି ପ୍ଲେଇଂ ଇଲେଭେନରେ ସ୍ଥାନ ମିଳି ନଥିଲା ।
Comments are closed.