ମୁମ୍ବାଇ: ସାଉଥ ସୁପରଷ୍ଟାର ଥଲପଥି ବିଜୟଙ୍କ ଫିଲ୍ମ ‘ଲିଓ’ ଆସନ୍ତା ୧୯ ତାରିଖରେ ରିଲିଜ ହେବାକୁ ଯାଉଛି । ଏହି ଫିଲ୍ମ ରିଳିଜକୁ ଉତ୍ସାହର ସହିତ ଦର୍ଶକ ଅପେକ୍ଷା କରିଛନ୍ତି । ଏହାର ଆଡଭାନ୍ସ ବୁକିଂ ଆରମ୍ଭ ହୋଇଛି । ଏହି ଫିଲ୍ମ ଅଗ୍ରୀମ ବୁକିଂରେ ବହୁତ ଭଲ ରୋଜଗାର କରୁଛି । ବର୍ତ୍ତମାନ ପର୍ଯ୍ୟନ୍ତ ବିଜୟଙ୍କ ଫିଲ୍ମର ୩୭୩୪୬ ଟିକେଟ୍ ବିକ୍ରି ହୋଇସାରିଲାଣି । ‘ଲିଓ’ ଏପର୍ଯ୍ୟନ୍ତ ୬.୯୨ କୋଟି ଟଙ୍କା ଆୟ କରିଛି । ସବୁଠୁ ବଡ କଥା ଯେ ଏହି ଆୟ ଫିଲ୍ମ ରିଲିଜ ହେବାର ସାତ ଦିନ ପୂର୍ବରୁ ହୋଇଛି । ଏହା ଶାହାରୁଖ ଖାନଙ୍କ ଚଳିତ ବର୍ଷର ଦୁଇଟି ବ୍ଲକବଷ୍ଟର ଫିଲ୍ମ ‘ପଠାନ’ ଏବଂ ‘ଯବାନ’ର ରେକର୍ଡକୁ ଭାଙ୍ଗିଦେଇଛି । ଚଳିତ ବର୍ଷ ଲିଓ ସର୍ବାଧିକ ଆଡଭାନ୍ସ ବୁକିଂ ତାଲିକାରେ ୧ ନମ୍ବର ସ୍ଥାନରେ ପହଞ୍ଚିଛି ।
ଆମେରିକାର ସବୁଠାରୁ ବଡ ଫିଲ୍ମ ସିରିଜ୍ ଏମ୍ସି ମଧ୍ୟ ‘ଲିଓ’ର ଅଗ୍ରୀମ ବୁକିଂ ଆରମ୍ଭ କରିଛି । କୁହାଯାଉଛି ଯେ ‘ଲିଓ’ ରିଲିଜ୍ ପୂର୍ବରୁ ୧.୨ ମିଲିୟନ୍ ଡଲାରରୁ ଅଧିକ ବୁକିଂ କରିବ । ଯୁକ୍ତରାଷ୍ଟ୍ର ଏବଂ କାନାଡାରେ ‘ଲିଓ’ ସହଜରେ ୫.୨୨ କୋଟି ଟଙ୍କା ଆୟ କରିଥିବା ଯବାନ ଏବଂ ୬.୦୫ କୋଟି ଟଙ୍କା ସଂଗ୍ରହ କରିଥିବା ପଠାନର ରେକର୍ଡ଼କୁ ସହଜରେ ଅତିକ୍ରମ କରିବ । ଆମେରିକାରେ ଏହି ଫିଲ୍ମ ୨ଡି ରୁ ଏକ୍ସଡି ପର୍ଯ୍ୟନ୍ତ ଆଇମ୍ୟାକ୍ସ ଫର୍ମାଟରେ ରିଲିଜ୍ ହେବ । ଫିଲ୍ମର ଅଧିକାଂଶ ସ୍କ୍ରିନିଂ ତାମିଲ ଏବଂ ତେଲୁଗୁ ଭାଷାରେ କରାଯାଉଛି । ଫିଲ୍ମରେ ବିଜୟଙ୍କ ବ୍ୟତୀତ ସଞ୍ଜୟ ଦତ୍ତଙ୍କୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ । ଏହା ବ୍ୟତୀତ ତ୍ରିଶା, ଗୌତମ ବାସୁଦେବ ମେନନ୍ ଏବଂ ଅନୁରାଗ କାଶ୍ୟପ ମଧ୍ୟ ନଜର ଆସିବେ ।
Comments are closed.