କିମ୍ବଦନ୍ତୀ ବଲିଉଡର ପ୍ଲେକ୍ ଗାୟକ କୁମାର ସାନୁଙ୍କ ପୁଅ ଜାନ କୁମାର ସାନୁଙ୍କୁ ବିଗ୍ ବସ୍ ୧୪ ଘର ଭିତରେ ଦେଖିବାକୁ ମିଳିବ । ଗୁରୁବାର ଦିନ ବିଗ୍ ବସ୍ ର ନୂଆ ସିଜିନର ପ୍ରଥମ ପ୍ରତିଯୋଗୀ ଭାବରେ ଜାନଙ୍କୁ ପରିଚିତ କରାଯାଇଥିଲା । ରିୟଲିଟି ସୋ’ର ହୋଷ୍ଟ ସଲମାନ ଖାନ ଏକ ଭର୍ଚୁଆଲ ସାମ୍ବାଦିକ ସମ୍ମିଳନୀରେ ଜାନଙ୍କୁ ପରିଚିତ କରାଇଥିଲେ।
ଜାନ ତାଙ୍କ ପିତାଙ୍କ ପଦାଙ୍କ ଅନୁସରଣ କରିଛନ୍ତି ଏବଂ ଚଳଚ୍ଚିତ୍ର ‘ଆକେଲେ ହମ୍ ଆକେଲେ ତୁମ୍’ରେ ପିତାଙ୍କ ଗୀତର କଭର ସହିତ ୨୦୧୬ ରେ ଜଣେ ଗାୟକ ଭାବରେ ଡେବ୍ୟୁ କରିଥିଲେ । ସେ ଆମିର ଖାନ-ଷ୍ଟାରର ‘ତାରେ ଜାମିନ୍ ପର’ର ଲୋକପ୍ରିୟ ‘ବମ୍ ବମ୍ ବୋଲେ’ ମଧ୍ୟ ଗାଇଛନ୍ତି।
ଏହି ସମୟରେ, ସମସ୍ତ ପ୍ରତିଯୋଗୀଙ୍କୁ ବିଗ୍ ବସ୍ ୧୪ ଘରେ ପ୍ରବେଶ କରିବା ପୂର୍ବରୁ କ୍ବାରାଣ୍ଟାଇନରେ ରଖାଯିବ । ଅକ୍ଟୋବର ୩ ରେ ରିୟଲିଟି ସୋ ଆରମ୍ଭ ହେବ ।