ପାହାଡ଼ କହୁଛି ପୁଅ ହେବ ନା ଝିଅ

ପାହାଡ଼ର ଚମତ୍କାରିତା । ଝାଡ଼ଖଣ୍ଡର ଲୋହରଦାଗା ଅଂଚଳର ଖୁଖ୍ରା ଗ୍ରାମରେ ରହିଛି ଏମିତି ଏକ ପାହାଡ଼, ଯାହାକି ଗର୍ଭସ୍ଥ ଶିଶୁର ଲିଙ୍ଗ କ’ଣ ତାହା ଆଗୁଆ କହିପାରୁଛି ବୋଲି ଲୋକଙ୍କ ବିଶ୍ୱାସ । ସ୍ଥାନୀୟ ଲୋକଙ୍କ କହିବା ଅନୁସାରେ, ପାହାଡ଼ ଉପରେ ଏକ ଚନ୍ଦ୍ର ଆକୃତିର ଚିହ୍ନ ରହିଛି, ଯାହା ନବଜାତକର ଲିଙ୍ଗ ବିଷୟରେ ଭବିଷ୍ୟବାଣୀ କରୁଛି । ଗାଁର କୌଣସି ବି ଗର୍ଭବତୀ ମହିଳା ଏହି ପାହାଡ଼ ଉପରେ ଥିବା ଚନ୍ଦ୍ର ଉପରକୁ ଦୂରରୁ ଏକ ପଥର ଫିଙ୍ଗିଥାନ୍ତି । ଯଦି ଏହି ପଥରଟି ଚନ୍ଦ୍ରର ଆକୃତିର ମଝିରେ ବାଜିଥାଏ, ତେବେ ଲୋକେ ବୁଝିପାରନ୍ତି ଯେ, ଗର୍ଭରେ ପୁଅ ଅଛି । ଯଦି ପଥରଟି ଚନ୍ଦ୍ର ବାହାରେ ବାଜେ, ତେବେ ଗର୍ଭରେ ଝିଅ ଥିବା ଅନୁମାନ କରନ୍ତି । ପ୍ରାୟ ଚାରି ଶହ ବର୍ଷ ପୂର୍ବେ ନାଗବଂଶୀ ରାଜାଙ୍କ ଶାସନ କାଳରୁ ଏହି ପରମ୍ପରା ମାନିଆସୁଛନ୍ତି ଗାଁ ଲୋକେ ।