ନୂଆଦିଲ୍ଲୀ: ଲୋକସଭା ଏବଂ ରାଜ୍ୟ ବିଧାନସଭାଗୁଡ଼ିକରେ ମହିଳାଙ୍କ ପାଇଁ ୩୩% ସଂରକ୍ଷଣ ସହିତ ଜଡିତ ଗୁରୁତ୍ୱପୂର୍ଣ୍ଣ ସାମ୍ବିଧାନିକ ସଂଶୋଧନ ବିଲ୍ ଲୋକସଭାରେ ଫେଲ ମାରିଛି। ବିଲ୍ ପାସ୍ ପାଇଁ ଦୁଇ-ତୃତୀୟାଂଶ ବହୁମତ ଆବଶ୍ୟକ ଥିଲା।
୨୦୨୯ ଲୋକସଭା ନିର୍ବାଚନରୁ କାର୍ଯ୍ୟକାରୀ ହେବାକୁ ଥିବା ଏହି ସାମ୍ବିଧାନିକ ସଂଶୋଧନ ବିଲ୍ ସଂସଦର ନିମ୍ନ ସଦନରେ ପାସ୍ ହୋଇପାରିଲା ନାହିଁ। “ସମ୍ବିଧାନ (131ତମ) ସଂଶୋଧନ ବିଲ୍, ୨୦୨୬” ଉପରେ ଭୋଟିଂ ବେଳେ ଗୃହ ସପକ୍ଷରେ ୨୯୮ ଏବଂ ବିପକ୍ଷରେ ୨୩୦ ଭୋଟ ରେକର୍ଡ କରିଥିଲା।
ଲୋକସଭାରେ ଯେକୌଣସି ସାମ୍ବିଧାନିକ ସଂଶୋଧନ ବିଲ୍ ପାସ୍ କରିବା ପାଇଁ ଦୁଇ-ତୃତୀୟାଂଶ ବହୁମତ ଆବଶ୍ୟକ। ନାରୀ ଶକ୍ତି ବିଲ୍ ସହିତ, ସରକାର “ସୀମା ନିର୍ଦ୍ଧାରଣ ବିଲ୍, 2026” ଏବଂ “କେନ୍ଦ୍ରଶାସିତ ଅଞ୍ଚଳ ଆଇନ (ସଂଶୋଧନ) ବିଲ୍, 2026” ମଧ୍ୟ ଗୃହରେ ଆଲୋଚନା ଏବଂ ପାସ୍ ପାଇଁ ଉପସ୍ଥାପନ କରିଥିଲେ। କିନ୍ତୁ ସମ୍ବିଧାନ ସଂଶୋଧନ ବିଲ୍ ଲୋକସଭାରେ ଆବଶ୍ୟକ ସଂଖ୍ୟାଗରିଷ୍ଠତା ହାସଲ କରିପାରି ନ ଥିବାରୁ ଅନ୍ୟ ଦୁଇଟି ବିଲ୍ ଆଗକୁ ବଢ଼ିପାରିଲା ନାହିଁ। ତେଣୁ ସେଗୁଡ଼ିକ ଉପରେ ଭୋଟିଂ ହୋଇନଥିଲା।
କିରେନ୍ ରିଜିଜୁ କହିଛନ୍ତି ଯେ ଆମେ ବାକି ଦୁଇଟି ବିଲ୍ ସହିତ ଆଗକୁ ବଢ଼ୁନାହୁଁ। କାରଣ ସମ୍ବିଧାନ (୧୩୧ତମ) ସଂଶୋଧନ ବିଲ୍, ୨୦୨୬, ଯାହା ମହିଳାଙ୍କ ସହ ଜଡିତ ଏକ ଗୁରୁତ୍ୱପୂର୍ଣ୍ଣ ବିଲ୍ ଥିଲା, ତାହା ମଧ୍ୟ ଅନ୍ୟ ଦୁଇଟି ବିଲ୍ ସହିତ ଜଡିତ ଥିଲା। ପ୍ରଥମ ସମ୍ବିଧାନ ସଂଶୋଧନ ବିଲ୍ ଗୃହରେ ପରାଜିତ ହୋଇଥିବାରୁ ସରକାର ଅନ୍ୟ ଦୁଇଟି ବିଲ୍ ସହିତ ଆଗକୁ ନ ବଢ଼ିବାକୁ ନିଷ୍ପତ୍ତି ନେଇଛନ୍ତି।