ଆଇପିଏଲ: ଲକ୍ଷ୍ନୌ ଫ୍ରାଂଚାଇଜ ଘୋଷଣା କଲା ଟିମର ଅଫିସିଆଲ ନାମ

ଲକ୍ଷ୍ନୌ: ଆଇପିଏଲ ୨୦୨୨ ସଂସ୍କରଣରେ ସାମିଲ ହୋଇଥିବା ଲକ୍ଷ୍ନୌ ଫ୍ରାଂଚାଇଜ ସୋମବାର ଏହାର ଟିମର ନାମକରଣ କରିଛି । ଏହାର ନାମ ଲକ୍ଷ୍ନୌ ସୁପର ଜ୍ୟାଂଟସ ରଖାଯାଇଛି । ଅଫିସିଆଲ ଭାବେ ଫ୍ରାଂଚାଇଜ ପକ୍ଷରୁ ଏହି ଘୋଷଣା କରାଯାଇଛି । ଏହାର ମାଲିକ ଗୋୟନକା ଗ୍ରୁପ ୨୦୧୭ରେ  ପୁଣେ ଫ୍ରାଂଚାଇଜକୁ କିଣିଥିଲେ । ସେତେବେଳେ ଏହାର ନାମ ପୁଣେ ସୁପର ଜ୍ୟାଂଟସ ରଖାଯାଇଥିଲା । ଶନିବାର ଦଳ କେଏଲ ରାହୁଲ, ରବି ବିଶ୍ନୋଇ ଓ ମାର୍କସ ଷ୍ଟୋଇନିସଙ୍କୁ ଟିମରେ ସାମିଲ କରିଥିଲା । ସୂଚନାଯୋଗ୍ୟ, ୨୦୨୨ରୁ ଆଇପିଏଲରେ ୧୦ଟି ଟିମ ଅଂଶଗ୍ରହଣ କରିବେ ।