କଂଗ୍ରେସ ବିଧାୟକଙ୍କୁ ଆଣିବାକୁ ଯାଇ ମଧ୍ୟପ୍ରଦେଶ ମନ୍ତ୍ରୀ ପୋଲିସ ଦ୍ୱାରା ଗିରଫ; ଭାଇରାଲ୍ ହେଲା ଭିଡ଼ିଓ !
ବେଙ୍ଗାଲୁରୁ: ମଧ୍ୟପ୍ରଦେଶର ବରିଷ୍ଠ ନେତା ଜ୍ୟୋତିରାଦିତ୍ୟ ସିନ୍ଧିଆ କଂଗ୍ରେସରୁ ଇସ୍ତଫା ଦେଇ ବିଜେପିରେ ମିଶିବା ପରେ ରାଜ୍ୟର ରାଜନୈତିକ ପରିସ୍ଥିତି ଦିନକୁ ଦିନ ସରଗରମ ହେବାରେ ଲାଗିଛି । ସିନ୍ଧିଆଙ୍କ ସମେତ ୨୨ ଜଣ କଂଗ୍ରେସ ବିଧାୟକ ଦଳରୁ ଇସ୍ତଫା ପ୍ରଦାନ କରିବା ପରେ କମଳନାଥ ସରକାର ସଂଖ୍ୟାଗରିଷ୍ଠତା ହରାଇବା ପରିସ୍ଥ୍ିତି ଉପୁଜିବା ସ୍ୱାଭାବିକ । ଏପଟେ ବିରୋଧୀ ବିଜେପି ଏବଂ ଶାସକ କଂଗ୍ରେସ ଦଳ ଶାସନ କ୍ଷମତା ଲାଗି ଛକାପଞ୍ଝା ଲାଗିଛନ୍ତି । ରାଜସ୍ଥ୍ାନ ହଲିଡ଼େ ରିସର୍ଟରେ କଂଗ୍ରେସ ବିଧାୟକ ସୁରକ୍ଷିତ ରହିଥିବା ବେଳେ ଏପଟେ ଇସ୍ତଫା ପ୍ରଦାନ କରିଥିବା ବିଧାୟକମାନେ ବିରୋଧୀ ଶିବରରେ ଅଛନ୍ତି ବୋଲି ଗଣମାଧ୍ୟମରୁ ଜଣାପଡ଼ିଛି । ତେବେ ବେଙ୍ଗାଲୁରୁର ଏକ ହଲିଡ଼େ ରିସର୍ଟରେ ଇସ୍ତଫା ଦେଇଥିବା କଂଗ୍ରେସ ବିଧାୟକମାନେ ରହିଥିବା ବେଳେ ସେମାନଙ୍କୁ ବୁଝାଇ ଭୋପାଳ ଆଣିବାକୁ ଯାଇଥିଲେ ମଧ୍ୟପ୍ରଦେଶ ସରକାରଙ୍କ ମନ୍ତ୍ରୀ ଜିତୁ ପଟୱାରୀ । ମାତ୍ର ସେ ହଟ୍ଟହଟାର ଶୀକାର ହୋଇଛନ୍ତି । ପୋଲିସ ସହିତ ମାଡ଼ପିଟ କରିବା ଅଭିଯୋଗରେ ବେଙ୍ଗାଲୁର୍ ପୋଲିସ ମନ୍ତ୍ରୀ ଶ୍ରୀ ପଟ୍ଟୱାରୀଙ୍କୁ ଗିରଫ କରିଛି ।
सत्ता को हथियाने के लिए बैंगलुर में बंधक विधायक से पिता को मिलने से रोकने का प्रयास भाजपा की मानसिकता को दर्शाता है..।
– यह लोकतंत्र की हत्या की जा रही है, हम इन्हें इनके मंसूबों में कामयाब नहीं होने देंगे..। pic.twitter.com/E5dMW76xWI
— Jitu Patwari (@jitupatwari) March 12, 2020
ଏନେଇ ଏକ ଭିଡ଼ିଓ ଏବେ ସୋସିଆଲ୍ ମିଡ଼ିଆରେ ଭାଇରାଲ୍ ହେବାରେ ଲାଗିଛି ।
ଗଣମାଧ୍ୟମରେ ପ୍ରକାଶିତ ରିପୋର୍ଟ ଅନୁଯାୟୀ, ବେଙ୍ଗାଲୁରରେ ରହିଥିବା ବିଦ୍ରୋହୀ କଂଗେସ ବିଧାୟକମାନଙ୍କ୍ୁ ବୁଝାଇ ନିଜ ସପକ୍ଷକୁ ଆଣିବା ଲାଗି ଶିକ୍ଷାମନ୍ତ୍ରୀ ଜିତୁ ପଟ୍ଟୱାରୀ ସେମାନେ ରହୁଥିବା ଏଂବାସୀ ବୁଲେଭାର୍ଡ଼ ପହଞ୍ଚିଥିଲେ । ଶ୍ରୀ ପଟ୍ଟୱାରୀଙ୍କ ସହିତ ଥିଲେ ଅନ୍ୟ ଜଣେ ନେତା ଲାଖନ ସିଂ ସିନ୍ଧିଆ । ଏଂବାସୀ ବାହାରେ ପହଞ୍ଚିବା ପରେ ସ୍ଥାନୀୟ ପୋଲିସ ସହିତ ଶ୍ରୀ ପଟ୍ଟୱାରୀଙ୍କ ସହିତ ଉଚ୍ଚବାଚ ହୋଇଥିଲା । ପରେ ପୋଲିସ ସହିତ ଝଗଡ଼ା କରିଥିବା ଯୋଗୁଁ ତାଙ୍କୁ କିପରି ଗିରଫ କରାଯାଇଛି ସେନେଇ ମନ୍ତ୍ରୀ ଜିତୁ ଟ୍ୱିଟ୍ କରି ଏକ ଭିଡ଼ିଓ ପୋଷ୍ଟ କରିଛନ୍ତି ।
बीजेपी की सत्ता भूख अब हवस में बदली :
बीजेपी द्वारा मप्र कांग्रेस के विधायकों का अपहरण कर उन्हें बैंगलोर के एक रिसॉर्ट में कैद रखा गया है।
जब विधायक के पिता मिलने पहुँचे तो उनसे बदतमीज़ी और साथ गये मंत्री से मारपीट कर उन्हें गिरफ़्तार किया।
मोदी जी,
देश को शर्मसार मत करिये। pic.twitter.com/1MO2y5UJYj— MP Congress (@INCMP) March 12, 2020
ଏହାକୁ ନେଇ ସୋସିଆଲ୍ ମିଡ଼ିଆରେ ଚର୍ଚ୍ଚ ବେଶ୍ ବଢିବାରେ ଲାଗିଛି । ଖାଲି ଜିତୁ ନୁହଁନ୍ତି ବରଂ କଂଗ୍ରେସ ପକ୍ଷରୁ ମଧ୍ୟ ଟ୍ୱିଟରେ ଏନେଇ ଭିଡ଼ିଓ ପ୍ରକାଶିତ ହୋଇଛି ।
ସବୁଠାରୁ ବଡ଼କଥା ହେଲା ଆସନ୍ତା ମାର୍ଚ୍ଚ ୧୬ ତାରିଖରେ ମଧ୍ୟପ୍ରଦେଶ ବିଧାନସଭାରେ ହେବ ଫ୍ଲୋରଟେଷ୍ଟ । ଜିତୁ ପଟ୍ଟୱାରୀ ଓ ଲାଖନ ସିଂହ ସିନ୍ଧିଆ ଏବେ ବେଙ୍ଗାଲୁରୁ ପୋଲିସ ହେପାଜତରେ ରହିଛନ୍ତି । ତେଣୁ କଂଗ୍ରେସ ଏବେ ୨ ଜଣ ବିଧାୟକଙ୍କ ସମର୍ଥନ ମଧ୍ୟ ହରାଇବାର ସମ୍ଭାବନା ରହିଛି ।