ଏମପିରେ ବଢୁଛି ବିଜେପି: ଦିଗବିଜୟଙ୍କୁ କଟାକ୍ଷ କରି କହିଲେ ସିନ୍ଧିଆ-‘ଦେଇଥିବା ଅଭିଶାପକୁ ସ୍ୱାଗତ, ହୃଦୟରୁ ଅଭିନନ୍ଦନ’

ଭୋପାଳ: ମଧ୍ୟପ୍ରଦେଶ ବିଧାନସଭା ନିର୍ବାଚନ ପାଇଁ ଭୋଣ ଗଣତି ଜାରି ରହିଛି । ଇତି ମଧ୍ୟରେ ଜ୍ୟୋତିରାଦିତ୍ୟ ସିନ୍ଧିଆ ଦଳର ବିଜୟକୁ ନେଇ ବଡ ବୟାନ ଦେଇଛନ୍ତି । ସଂପୂର୍ଣ୍ଣ ଫଳାଫଳ ଆସିବା ପୂର୍ବରୁ ସେ କହିଛନ୍ତି, ମୋର ବିଶ୍ୱାସ, ବିଜେପି ଜନତାଙ୍କ ସହଯୋଗ ମିଳିବ । ବହୁମତ ନୁହେଁ, ପୂର୍ଣ୍ଣ ବହୁମତରେ ଆମେ ସରକାର ଗଠନ କରିବୁ । ଏଠି କହିରଖିବୁ, ପ୍ରାଥମିକ ଗଣତି ପରେ ବିଜେପି ବହୁ ଆସନରେ ଆଗରେ ଥିବା ଦେଖିବାକୁ ମିଳିଛି । ଜ୍ୟୋତିରାଦିତ୍ୟ ସିନ୍ଧିଆ ମୁଖ୍ୟମନ୍ତ୍ରୀ ଶିବରାଜ ସିଂହ ଚୌହାନଙ୍କୁ ସାକ୍ଷାତ କରିବା ପାଇଁ ପହଞ୍ଚିଛନ୍ତି ।

କେନ୍ଦ୍ର ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ କହିଛନ୍ତି, ସେବା ଏବଂ ସୁଶାସନ ଆମ ସରକାର ସବୁବେଳେ ଦେଇ ଆସିଛି । ଜନତାଙ୍କ ପୂର୍ଣ୍ଣ ଆଶୀର୍ବାଦ ବିଜେପି ସହ ରହିବ । ମୋର ପୂରା ବିଶ୍ୱାସ, ବିଜେପି ପୂର୍ଣ୍ଣ ମହୁମତ ସହ ସରକାର ଗଠନ କରିବ ।

ସେ କଂଗ୍ରେସକୁ କଟାକ୍ଷ କରି କହିଛନ୍ତି, ଲୋକ ଲଡ୍ଡୁ ତିଆରି କରୁଛନ୍ତି । କଂଗ୍ରେସ ଧନ୍ୟବାଦ ବ୍ୟାନର ଏବଂ ପୋଷ୍ଟର ଲଗାଇବା ଆରମ୍ଭ କଲାଣି । ହେଲେ ମୁଁ ଆରମ୍ଭରୁ କହିଛି, ଶେଷ ଫଳାଫଳକୁ ଅପେକ୍ଷା କର । ମୋର ପୂର୍ଣ୍ଣ ବିଶ୍ୱାସ ବିଜେପି ହିଁ ସରକାର ଗଠନ କରିବ । ଏଥିପାଇଁ  ଜନତାଙ୍କ ପାଖରେ କୃତଜ୍ଞ ବୋଲି କହିଥିଲେ ସିନ୍ଧିଆ ।

ସେ ଆହୁରି କହିଛନ୍ତି, ଡବଲ ଇଞ୍ଜିନର ସରକାର, ରାଜ୍ୟରେ ଜନକଲ୍ୟାଣକାରୀ ଯୋଜନା-ଏସବୁର ଆଧାର ଉପରେ ଆମକୁ ଜନତାଙ୍କ ସହଯୋଗ ମିଳିଛି । ଜନତା ବ୍ୟକ୍ତିଗତ ଏବଂ ହୃଦୟର ସମ୍ପର୍କ ବିଜେପି ସହ ଯୋଡିଛନ୍ତି ।

ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଦିଗବିଜୟ ସିଂହ ଲଗାତାର ଜ୍ୟୋତିରାଦିତ୍ୟ ସିନ୍ଧିଆଙ୍କୁ ଟାର୍ଗେଟ କରୁଥିଲେ । ଦିଗବିଜୟ ତାଙ୍କୁ ଗଦ୍ଦାର ଆଖ୍ୟା ବି ଦେଇଥିଲେ । ଏହା ଉପରେ ସିନ୍ଧିଆ ପ୍ରତିକ୍ରିୟା ରଖି ତାଙ୍କର ଅଭିଶାପକୁ ସ୍ୱାଗତ ବୋଲି କହିବା ସହ ହୃଦୟରୁ ତାଙ୍କୁ ଶୁଭକାମନା ଜଣାଉଛି ବୋଲି କହିଛନ୍ତି ସିନ୍ଧିଆ ।