ମୁମ୍ବାଇ: ବଲିଉଡ ଅଭିନେତ୍ରୀ ମଲାଇକା ଆରୋରା ଓ ଅଭିନେତା ଅର୍ଜୁନ କପୁରଙ୍କ ପ୍ରେମ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଛିି । କିଛିଦିନ ତଳେ ଉଭୟଙ୍କ ବ୍ରେକଅପ ଖବର ବି ଖୁବ ଚର୍ଚ୍ଚା ହେଉଥିଲା । ସୋସିଆଲ ମିଡିଆରେ ବି ବ୍ରେକଅପ ଖବରର ଗୁଜବ ହେଉଛି । ଏହି ଗୁଜବକୁ ଲୋକଙ୍କ ମନରୁ ଦୂର କରିବା ପାଇଁ ଉଭୟେ ରବିବାର ପୁଣି ଏକାଠି ନଜର ଆସିଛନ୍ତି । ଏହାର ଏକ ଭିଡ଼ିଓ ଏବେ ସୋସିଆଲ ମିଡ଼ିଆରେ ଖୁବ୍ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ରବିବାର ମଲାଇକା ଓ ଅର୍ଜୁନଏକାଠି ମଧ୍ୟାହ୍ନ ଭୋଜନ କରିବାକୁ ଏକ ରେଷ୍ଟୁରାଣ୍ଟକୁ ଯାଇଥିଲେ । ସେଠାରୁ ଖାଇବା ପରେ ସେମାନେ ରେଷ୍ଟୁରାଣ୍ଟରୁ ବାହାରି କାରରେ ବସୁଥିବା ଦେଖିବାକୁ ମିଳିଛି । ଏହି ସମୟରେ ମଲାଇକା ଧଳା ରଙ୍ଗର ପୋଷାକ ପିନ୍ଧିଥିବା ବେଳେ ଅର୍ଜୁନ କଳା ରଙ୍ଗର ପୋଷାକ ପିନ୍ଧିଥିଲେ । ଉଭୟଙ୍କ ମୁହଁରେ ଖୁସି ଥିବା ମଧ୍ୟ ସ୍ପଷ୍ଟ ଦେଖାଯାଉଥିଲା । ରବିବାର ଉଭୟ ଏକାଠି ନଜର ଆସି ବ୍ରେକଅପ ହୋଇଥିବା ନେଇ ଚର୍ଚ୍ଚା କରୁଥିବା ଲୋକଙ୍କ ମୁହଁ ବନ୍ଦ କରି ଦେଇଛନ୍ତି ।
ଏହିଯୋଡ଼ିଙ୍କ ବ୍ରେକଅପ ଖବର ସେତେବେଳେ ସାମ୍ନାକୁ ଆସିଥିଲା ଯେତେବେଳେ ଅର୍ଜୁନ ଫ୍ୟାସନ ଡିଜାଇନର କୁସା କପିଲାଙ୍କ ସହ ବାରମ୍ବାର ଏକାଠି ନଜର ଆସିଲେ । ସେହିପରି ମଲାଇକା ନିକଟରେ ପିନ୍ଧିଥିବା ଏକ ଟି-ସାର୍ଟରେ ‘ଲେଟ୍ସ ଫଲ୍ ଆପାର୍ଟ’ ବୋଲି ଲେଖାଯାଇଥିଲା । ଯାହାକୁ ଦେଖିବା ପରେ ସେ ଅର୍ଜୁନଙ୍କ ସହ ଆଉ ପ୍ରେମ ସଂପର୍କରେ ନାହାନ୍ତି ବୋଲି ଅନୁମାନ କରାଯାଉଥିଲା । କେବଳ ସେତିକି ନୁହେଁ, ମଲାଇକା ଅର୍ଜୁନଙ୍କ ଭଉଣୀ ଓ ବାପାଙ୍କୁ ତାଙ୍କ ଇନ୍ଷ୍ଟାଗ୍ରାମ୍ରୁ ଅନ୍ଫଲୋ କରିଦେଇଥିବା ଜଣାଯାଇଥିଲା । କିଛି ଦିନ ପୂର୍ବରୁ ଅର୍ଜୁନ ଓ ମଲାଇକାଙ୍କୁ ଅନେକ ଇଭେଣ୍ଟରେ ଅଲଗା ଅଲଗା ଯିବାର ବି ଦେଖିବାକୁ ମିଳିଛି । ଏହି ସବୁ କଥାରୁ ସ୍ପଷ୍ଟ ଅନୁମାନ କରାଯାଉଥିଲା ଯେ ଅର୍ଜୁନ ଓ ମଲାଇକାଙ୍କ ସଂପର୍କରେ ଫାଟ ସୃଷ୍ଟି ହୋଇଛି ।
Comments are closed.