କଟକ : କଟକ ଜିଲ୍ଲା ନେମାଲ ଅନ୍ତର୍ଗତ କେରିଲୋ ଗ୍ରାମରେ ନିଜ ପତ୍ନୀଙ୍କ ଆପତ୍ତିଜନକ ଫଟୋକୁ ସୋସିଆଲ ମିଡିଆରେ ଛାଡିବା ଅଭିଯୋଗରେ ଜଣେ ଯୁବକଙ୍କୁ ଆଜି ପୋଲିସ ଗିରଫ କରିଛି ।
ଉକ୍ତ ଗିରଫ ଯୁବକ ଜଣଙ୍କ ବିକାଶ ରଂଜନ ସିଂହ, ଭୁବନେଶ୍ୱରର ଚିନ୍ତାମଣୀସ୍ୱର ଅଞ୍ଚଳର ବୋଲି ଜଣାପଡିଛି ।
ମିଳିଥିବା ସୂଚନା ଅନୁଯାୟୀ ବିକାଶ ସମ୍ପୃକ୍ତ ମହିଳାଙ୍କୁ କୋର୍ଟରେ ବାହା ହୋଇଥିଲା । ପରବର୍ତ୍ତୀ ସମୟରେ ଯୌତୁକ ପାଇଁ ଉକ୍ତ ମହିଳାଙ୍କୁ ଉଭୟ ଶାରୀରିକ ଓ ମାନସିକ ନିର୍ଯାତନା ଦେଉଥିଲା । ଏଭଳି ଘଟଣା ପରେ ମହିଳା ଜଣଙ୍କ ଛାଡପତ୍ର ପାଇଁ କୋର୍ଟର ଆଶ୍ରୟ ନେଇଥିଲେ ।
ସୁତ୍ରରୁ ପ୍ରକାଶ ଯେ ଏହି ମାମାଲା କୋର୍ଟରେ ବିଚାରଧିନ ଥିବାବେଳେ ବିକାଶ ସୋସିଆଲ ମିଡିଆରେ ମହିଳାଙ୍କ ଅନେକ ଆପତ୍ତିଜନକ ଫଟୋ ସହ ଅଶାଳୀନ ମନ୍ତବ୍ୟ ମଧ୍ୟ ପୋଷ୍ଟ କରିଥିଲା ।
ତେବେ ଏହି ଘଟଣାରେ ମହିଳାଙ୍କ ପରିବାର ପକ୍ଷରୁ ଅଭିଯୋଗ ପରେ ପୋଲିସ ସମ୍ପୃକ୍ତ ଯୁବକକୁ ଗିରଫ କରିବା ସହ ତଦନ୍ତ ଜାରି ରଖିଥିବାନେଇ ନେମାଳ ଥାନାର ଭାରପ୍ରାପ୍ତ ଥାନାଧିକାରୀ ପ୍ରଭାତ କୁମାର ମଲ୍ଲିକ କହିଛନ୍ତି ।