ଫଟା ପ୍ୟାଣ୍ଟ ପିନ୍ଧି ରାସ୍ତା କଡରୁ ବୋତଲ ଗୋଟାଉ ଥିଲେ, ମୃତ୍ୟୁ ପରେ ସମ୍ପତ୍ତି ଦେଖି ଲୋକଙ୍କ ହୋସ ଉଡିଗଲା

ଉତ୍ତର ସ୍ୱିଡେନର ଏକ ଛୋଟ ସହର ସ୍କେଲେଫ୍ଟିଆରେ ଜଣେ ଭିକାରୀକୁ ନେଇ ଏବେ ଚର୍ଚ୍ଚା ଧରିଛି । ଭିକାରୀଜଣକ ରାସ୍ତା କଡରୁ ଭଙ୍ଗା ପ୍ଲାଷ୍ଟିକ ଡବା ସଂଗ୍ରହ କରି ଲକ୍ଷ ଲକ୍ଷ ଟଙ୍କା ସଞ୍ଚୟ କରିଛନ୍ତି । ସେ ଏହି ଡବାକୁ ନେଇ ବିକ୍ରି କରନ୍ତି । ବର୍ଷେ ନୁହେଁ କି ୨ ବର୍ଷ ନୁହେଁ, ପୁରା ୩୦ ବର୍ଷ ସେ ଏହି କାମରେ ସାରି ଦେଇଛନ୍ତି । ଡବା ବିକି ସେ ଯେତିକି ଟଙ୍କା ସଂଗ୍ରହ କରିଛନ୍ତି ତାହା ଶୁଣିଲେ ଆପଣଙ୍କ ହୋସ ଉଡିଯିବ । ଉକ୍ତ ବ୍ୟକ୍ତିଜଣକ ୧୪ ଲକ୍ଷ ଟଙ୍କା ସଂଗ୍ରହ କରିଛନ୍ତି ।

ମିଳିଥିବା ସୂଚନା ଅନୁଯାୟୀ, କର୍ଟ ଡେଗରମ୍ୟାନ ନାମକ ଉକ୍ତ ବ୍ୟକ୍ତି ଜଣକ ସଡକ ଉପରୁ ବୋତଲ ଏବଂ ଡବା ସଂଗ୍ରହ କରିବା ପାଇଁ ସାରା ଦିନ ବୁଲୁଥାନ୍ତି । ସବୁବେଳେ ବ୍ଲୁ ଜାକେଟ ଏବଂ ଫଟା ପ୍ୟାଣ୍ଟ ପିନ୍ଧି ବୁଲୁଥିବା ଆଖପାଖ ଲୋକ ଦେଖି ଆସୁଥିଲେ । ବ୍ୟବହାର ପରେ ଲୋକେ ରାସ୍ତା କଡକୁ ଫିଙ୍ଗି ଦେଇଥିବା ବୋତଲ ଏବଂ ଡବାକୁ ଖୋଜୁଥାନ୍ତି । ଏସବୁକୁ ଏକାଠି କରିବା ପରେ ତାହାକୁ ରିସାଇକ୍ଲିଂ ସେଣ୍ଟରକୁ ଦିଅନ୍ତି । ଏହା ବଦଳରେ ଉକ୍ତ ସେଣ୍ଟର ତାଙ୍କୁ କିଛି ଟଙ୍କା ଦିଏ ।

ଇତି ମଧ୍ୟରେ ଡେଗରମ୍ୟାନ ପାଖ ଲାଇବ୍ରେରୀକୁ ଯାଆନ୍ତି । ସେଠାରେ ଖବରକାଗଜ ପଢୁ ପଢୁ ଶେୟାର ବଜାର ଖବର ପଢନ୍ତି । ତାଙ୍କୁ ଶ୍ୟୋର ବଜାର ଖବର ଭଲ ଲାଗିବାରୁ ନିୟମିତ ପଢୁ ପଢୁ ସେ ଏଥିରେ ବେଶ ଦକ୍ଷ ହୋଇଗଲେ । ଏହାପରେ ସେ କଣ୍ଟେନର ବିକି ରଖିଥିବା ଟଙ୍କା ମ୍ୟୁଚୁଆଲ ଫଣ୍ଡରେ ନିବେଶ କରିଥିଲେ । ଏହି ନିବେଶରୁ ମିଳିଥିବା ଟଙ୍କାରେ ସେ ୧୨୪ଟି ସୁନାର ରଡ କିଣିଥିଲେ । ମୃତ୍ୟୁ ପରେ ତାଙ୍କର ଏତେ ସମ୍ପତ୍ତି ଥିବା ଲୋକେ ଜାଣିବାକୁ ପାଇଥିଲେ ।