ଲକ୍ଷ୍ନୌ: ଉତ୍ତରପ୍ରଦେଶର ସୁଲତାନପୁରରେ ଘଟି ଯାଇଛି ଅଭାବନୀୟ ଘଟଣା। ପୂର୍ବାଞ୍ଚଳ ଏକ୍ସପ୍ରେସୱେରେ ଶନିବାର ଦିନ ପାନ ଛେପ ପକାଇବାକୁ ଯାଇ ଚଳନ୍ତା ଏସି ବସରୁ ଖସିପଡି ଜଣେ ୬୫ ବର୍ଷ ବୟସ୍କ ବ୍ୟକ୍ତିଙ୍କ ମୃତ୍ୟୁ ଘଟିଛି। ପୂର୍ବାଞ୍ଚଳ ଏକ୍ସପ୍ରେସୱେ ସ୍ଥିତ ବିହି ଗ୍ରାମ ନିକଟରେ ଏହି ଅଘଟଣ ଘଟିଛି।
ବସ୍ ଲକ୍ଷ୍ନୌରୁ ଆଜମଗଡ ଅଭିମୁଖେ ଯାଉଥିଲା। ଏହି ସମୟ ମଧ୍ୟରେ ଏହି ଦୁର୍ଘଟଣା ଘଟିଥିଲା। ବସରୁ ଖସିଯିବାରୁ ସେ ତଳକୁ ଖସି ପଡିଥିଲେ।
ବସ୍ ଡ୍ରାଇଭର ହରିଚନ୍ଦ୍ର ତିୱାରୀ ଏହି ଘଟଣା ବିଷୟରେ କହିଛନ୍ତି ଯେ ଯାତ୍ରୀ ତମାଖୁ ଚୋବାଉଥିଲେ। ସେ ବସର ଝରକା ଖୋଲି ଛେପ ପକାଉଥିବା ବେଳେ ଭାରସାମ୍ୟ ହରାଇ ଚଳନ୍ତା ଗାଡିରୁ ଖସିପଡିଥିଲେ। ଫଳରେ ଘଟଣାସ୍ଥଳରେ ତାଙ୍କର ମୃତ୍ୟୁ ହୋଇଥିଲା।
ଦୁର୍ଘଟଣାର ଖବର ପାଇବା ମାତ୍ରେ ଉତ୍ତରପ୍ରଦେଶ ଏକ୍ସପ୍ରେସୱେ ଇଣ୍ଡଷ୍ଟ୍ରିଆଲ ଡେଭଲପମେଣ୍ଟ ଅଥରିଟି (ୟୁପିଇଡିଏ) ର ଅଧିକାରୀମାନେ ସ୍ଥାନୀୟ ପୋଲିସ ସହିତ ଘଟଣାସ୍ଥଳରେ ପହଞ୍ଚିଥିଲେ। ଉକ୍ତ ବ୍ୟକ୍ତିଙ୍କୁ ସ୍ଥାନୀୟ ଡାକ୍ତରଖାନା ନିଆଯାଇଥିଲା ବେଳେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।