ଢେଙ୍କାନାଳ: ଢେଙ୍କାନାଳ ଜିଲ୍ଲାର ଏକ ମନ୍ଦିର ଭିତରେ ଚୋରି କରିବାକୁ ଯାଇ ଫସିଲା ଚୋର। ଡକାୟତି ଉଦ୍ୟମ ବିଫଳ ହେବା ପରେ ତାଙ୍କୁ ଉଦ୍ଧାର କରାଯାଇଛି।
ମଙ୍ଗଳବାର ଭୋର ସମୟରେ ପର୍ଜଙ୍ଗ ଥାନା ଅଧୀନସ୍ଥ ଚାନ୍ଦପୁର ଗ୍ରାମର ବାବା ସ୍ୱପ୍ନେଶ୍ୱର ମନ୍ଦିରରେ ଏହି ଘଟଣା ଘଟିଥିବା ଜଣାପଡ଼ିଛି।
ସୂଚନା ଅନୁଯାୟୀ ବ୍ୟକ୍ତି ଜଣକ ମୂଲ୍ୟବାନ ଜିନିଷପତ୍ର ଚୋରି କରିବା ପାଇଁ ରାତିରେ ମନ୍ଦିର ଦ୍ୱାରର ଏକ ସଂକୀର୍ଣ୍ଣ ଫାଙ୍କ ଦେଇ ଶିବ ମନ୍ଦିରରେ ପ୍ରବେଶ କରିଥିଲା। କିନ୍ତୁ ପରେ ସେ ବାହାରକୁ ବାହାରିପାରିନଥିଲା ଏବଂ ମନ୍ଦିର ଭିତରେ ବନ୍ଦ ହୋଇ ରହିଥିଲା।
ଅନ୍ୟ କୌଣସି ଉପାୟ ନ ପାଇ ବ୍ୟକ୍ତି ଜଣକ ମନ୍ଦିର ଭିତରେ ରାତି ବିତାଇଥିବା ଜଣାପଡ଼ିଛି। ସକାଳେ ମନ୍ଦିରର ପୂଜକ ଭଗବାନ ରାଣା ଦୈନନ୍ଦିନ ପୂଜାର୍ଚ୍ଚନା ପାଇଁ ମନ୍ଦିରରେ ପ୍ରବେଶ କରିବା ପରେ ସେହି ବ୍ୟକ୍ତିଙ୍କୁ ଦେଖିଥିଲେ। ଯାହାପରେ ଘଟଣାଟି ଲୋକଲୋଚନକୁ ଆସିଥିଲା।
ଏନେଇ ପୂଜକ ଗ୍ରାମବାସୀମାନଙ୍କୁ ଜଣାଇବା ପରେ ପୋଲିସକୁ ଖବର ଦିଆଯାଇଥିଲା। ପର୍ଜଙ୍ଗ ଥାନାର ଏକ ଟିମ୍ ମନ୍ଦିର ଯାଇ ଉକ୍ତ ବ୍ୟକ୍ତିଙ୍କୁ ହେପାଜତକୁ ନେଇଥିଲା।
Comments are closed.