ନୂଆଦିଲ୍ଲୀ: ଚଳନ୍ତା ବିମାନରୁ ତଳକୁ ଡେଇଁଲେ ଯାତ୍ରୀ। ଶୁକ୍ରବାର ରାତିରେ ଲସ ଏଞ୍ଜେଲ୍ସ ଅନ୍ତର୍ଜାତୀୟ ବିମାନବନ୍ଦରରେ ଚଳନ୍ତା ବିମାନରୁ ଜଣେ ଯାତ୍ରୀ ଡେଇଁପଡ଼ିଥିବା ସୂଚନା ମିଳିଛି। ଏହାପରେ ଯାତ୍ରୀ ଜଣଙ୍କୁ ଅଟକାଇବା ସହିତ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା।
ରିପୋର୍ଟ ଅନୁଯାୟୀ ସ୍କାଏୱେଷ୍ଟ ଦ୍ୱାରା ପରିଚାଳିତ ୟୁନାଇଟେଡ୍ ଏକ୍ସପ୍ରେସ ବିମାନ ୫୩୬୫ ସଲ୍ଟ ଲେକ୍ ସିଟିକୁ ଯାଉଥିଲା। ଏତିକି ବେଳେ ଯାତ୍ରୀ ଜଣଙ୍କ ବିମାନରୁ ବାହାରିଯିବାକୁ ଚେଷ୍ଟା କରିଥିଲେ।
ସେ ପ୍ରଥମେ କକ୍ପିଟ୍ ଭାଙ୍ଗି ବାହାରିବାକୁ ଚେଷ୍ଟା କରିଥିଲେ କିନ୍ତୁ ପରେ ଜରୁରୀକାଳୀନ ସର୍ଭିସ୍ ଡୋର୍ ଖୋଲି ତଳକୁ ଡେଇଁପଡ଼ିଥିଲେ।
ତାଙ୍କୁ ତୁରନ୍ତ ବିମାନବନ୍ଦର କର୍ତ୍ତୃପକ୍ଷ ଅଟକାଇଥିଲେ। ଏହାପରେ ତାଙ୍କୁ ଚିକିତ୍ସା ଲାଗି ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିଲା। ତେବେ ବିମାନରେ ଥିବା ଅନ୍ୟ କେହି ଆହତ ହୋଇନଥିବା ସୂଚନା ମିଳିଛି।
Comments are closed.