ଇଟାଲି; ସାଧାରଣତଃ ଲୋକମାନେ ବିବାହ ବିଷୟରେ ଥଟ୍ଟା କରନ୍ତି । ଏମିତି କି କିଛି ବ୍ୟକ୍ତି ବିବାହ କରି ଭୁଲ କରିଥିବା କହି କାନ ବି ଧରନ୍ତି । କିନ୍ତୁ ଏପରି ଜଣେ ବ୍ୟକ୍ତି ଅଛନ୍ତି ଯିଏ ତାଙ୍କ ଜୀବନରେ ମୋଟ ୧୦୦ ଜଣଙ୍କୁ ବିବାହ କରିଛନ୍ତି । ସବୁଠୁ ଖୁସିର କଥା ସେ କାହାକୁ ଛାଡ଼ପତ୍ର ଦେଇନାହାନ୍ତି । ଏନେଇ ସେ ଗିନିଜ ୱାଲ୍ର୍ଡ଼ ରେକର୍ଡ଼ରେ ସ୍ଥାନ ପାଇଛନ୍ତି ।
କିଛି ଦିନ ପୂର୍ବରୁ ଅମେ ଆପଣଙ୍କୁ ପାକିସ୍ତାନର ଜଣେ ବ୍ୟକ୍ତିଙ୍କ ବିଷୟରେ ଜଣାଇଥିଲୁ, ଯିଏକି ଜୀବନରେ ୧୦୦ ବିବାହ କରିବେ ଓ ୧୦୦ ଛାଡ଼ପତ୍ର ଦେବେ ସ୍ୱପ୍ନ ରଖିଛନ୍ତି । କିନ୍ତୁ ଆଜି ଆମେ ଯାହାଙ୍କ ବିଷୟରେ କହୁଛୁ, ସେ ସର୍ବାଧିକ ସଂଖ୍ୟକ ବିବାହ କରି ରେକର୍ଡ କରିଛନ୍ତି । ସବୁଠୁ ଆଶ୍ଚର୍ଯ୍ୟର କଥା ସେ ବର୍ତ୍ତମାନ ସୁଦ୍ଧା କାହାକୁ ଛାଡ଼ପତ୍ର ଦେଇନାହାନନ୍ତି । ସେ ସମୁଦାୟ ୧୪ ଟି ଦେଶର ଜ୍ୱାଇଁ ହୋଇଛନ୍ତି । ଏହି ବ୍ୟକ୍ତିଙ୍କ ନାମ ଜିଓଭାନି ଭିଗ୍ଲିଓଟୋ । ସେ ତାଙ୍କ ଜୀବନରେ ମୋଟ ୩୨ ବର୍ଷ ମଧ୍ୟରେ ୧୦୦ ଟି ବିବାହ କରିଛନ୍ତି । ୧୯୪୯ ମସିହାରେ ସେ ପ୍ରଥମ ବିବାହ କରିଥିବା ବେଳେ ୧୯୮୧ ମସିହାରେ ଥିଲା ତାଙ୍କର ଶେଷ ବିବାହ ।
୧୯୨୯ ମସିହାରେ ଇଟାଲୀର ସିସିଲି ସହରରେ ଜନ୍ମଗ୍ରହଣ କରିଥିଲେ ଜିଓଭାନି । ତାଙ୍କର ପ୍ରକୃତ ନାମ ହେଉଛି ନିକୋଲାଇ ପେରୁସ୍କୋଭ । ଜିଓଭାନି ପ୍ରଥମେ ମହିଳାମାନଙ୍କୁ ପ୍ରସ୍ତାବ ଦିଅନ୍ତି । ପରେ ନିୟମ ଅନୁସାରେ ବିବାହ କରନ୍ତି । କିଛି ମହିଳା ବିବାହ କରିବା ପରେ ତାଙ୍କଠାରୁ ପଇସା ଓ ସମ୍ପତ୍ତି ପାଇବା ପରେ ପଳାଇ ଯାଇଛନ୍ତି । ଆମେରିକାର ୨୭ ଟି ରାଜ୍ୟରେ ତାଙ୍କର ପତ୍ନୀ ରହୁଥିବାବେଳେ ୧୪ ଟି ଦେଶରେ ବିବାହ କରି ଜ୍ୱାଇଁ ପାଲଟିଛନ୍ତି ।
Comments are closed.