ଜାମାଇକା: ପ୍ରତ୍ୟେକ ଲୋକଙ୍କର ରୁଚି ଭିନ୍ନ ଭିନ୍ନ ହୋଇଥାଏ । କେହି କେହି କାର , ବଙ୍ଗଳା କିଣିବାକୁ ଭଲ ପାଆନ୍ତି ତ ଆଉ କିଏ ଦେଶ ତଥା ବିଦେଶ ଭ୍ରମଣ କରିବାକୁ ଭଲ ପାଆନ୍ତି । ସେମିତି କେହି କେହି ଖେଳିବାକୁ ଭଲ ପାଉଥିବା ବେଳେ ଆଉ କେହି ଘରେ ପଶୁପକ୍ଷୀ ପାଳିବାକୁ ସଉକ ରଖନ୍ତି । କିନ୍ତୁ ଆଉ କିଛି ଲୋକ ଅଦ୍ଭୁତ ରୁଚି ରଖିଥାନ୍ତି । ଜାମାଇକାର ଜଣେ ବ୍ୟକ୍ତି ଏଭଳି ଏକ ଅଦ୍ଭୁତ ରୁଚି ରଖିଛନ୍ତି, ଯାହାକୁ ଦେଖିଲେ ଆପଣ ଆଶ୍ଚର୍ଯ୍ୟ ହୋଇଯିବେ । ଏହି ବ୍ୟକ୍ତି ଦୀର୍ଘ ୪୦ ବର୍ଷ ହେଲାଣି କେଶ କାଟି ନାହାନ୍ତି କି ଧୋଇ ବି ନାହାନ୍ତି । ଏବେ ଏହି କେଶ ଏତେ ବଢିଯାଇଛି ଯେ, ବ୍ୟକ୍ତି ଜଣକ ଛାତ ଉପରେ ଛିଡ଼ା ହେଲେ ତାହା ଭୂମି ସ୍ପର୍ଶ କରୁଛି । ଏବେ ସୋସିଆଲ ମିଡ଼ିଆରେ ଏହି ବ୍ୟକ୍ତିଙ୍କ ଭିଡ଼ିଓ ଭାଇରାଲ ହେବାରେ ଲାଗିଛି ।
ଭାଇରାଲ ଭିଡ଼ିଓରେ ଦେଖିବାକୁ ମିଳିଛି ଯେ, ୬୩ ବର୍ଷ ବୟସ୍କ ଜଣେ ବ୍ୟକ୍ତି ତାଙ୍କର ଲମ୍ବା କେଶ ସହିତ ନଜର ଆସିଛନ୍ତି । ବ୍ୟକ୍ତି ଜଣଙ୍କ ଏକ ମହଲା ଘରର ଛାତ ଉପରେ ଠିଆ ହୋଇଛନ୍ତି । ତାଙ୍କ କେଶ ଖୋଲା ଅଛି ଏବଂ ତାଙ୍କ କେଶ ତଳେ ଭୂମି ସ୍ପର୍ଶ କରୁଥିବା ଦେଖାଯାଉଛି । ଏହି ବ୍ୟକ୍ତି ଜଣକ କେଶ ବଢାଇବାକୁ ତାଙ୍କୁ ୪୦ ବର୍ଷ ଲାଗିଯାଇଛିି । ଏହି ୪୦ ବର୍ଷ ମଧ୍ୟରେ ସେ କେବେ ବି କେଶ କାଟି ନାହାଁନ୍ତି କି କେଶକୁ ଧୋଇ ନାହାନ୍ତି ।
ଏହି ଭିଡ଼ିଓ ଦେଖିବା ପରେ ଅନେକ ଭିନ୍ନ ଭିନ୍ନ ମତ ଦେଇଛନ୍ତି । ଅନେକ କହିଛନ୍ତି ଯେ, ଏହି କେଶ ବହୁତ ସୁନ୍ଦର ଦେଖାଯାଉଛି । ଏହାକୁ ଯତ୍ନ ନେବା ଉଚିତ୍ ।
Comments are closed.