ଭୁବନେଶ୍ୱର: ତ୍ରିରଙ୍ଗା ଯାହା ନାଁ କାନରେ ପଡିଲେ, ଦେହରେ ଶିହରଣ ସୃଷ୍ଟି ହୁଏ । ହେଲେ ଏଠି ତ୍ରିରଙ୍ଗାକୁ ଏତେ ଅସମ୍ମାନ ! ଫରଫର ଉଡୁଥିବା ତ୍ରିରଙ୍ଗାରେ ଚାଲିଛି ଧୂଳିପୋଛା ! ଯେଉ ତ୍ରିରଙ୍ଗା ଦେଖିଲେ ଭାରତୀୟଙ୍କ ଛାତି ଗର୍ବରେ ଫୁଲିଯାଏ ତାର ପୁଣି ଏତେ ଅମର୍ଯ୍ୟଦା !
ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି ଯେଉଁଥିରେ ତ୍ରିରଙ୍ଗା ଧରି ଜଣେ ବ୍ୟକ୍ତି ଟେବୁଲ ଚେୟାର ପୋଛି ଚାଲିଛନ୍ତି । ନିଜ ବସିବା ଚେୟାରକୁ ଏହି ତ୍ରିରଙ୍ଗାରେ ପିଟି ପିଟି ସଫା କରୁଛନ୍ତି । ଶେଷରେ ନିଜ ହାତକୁ ପୋଛି ରଖୁଛନ୍ତି ।
କୁହାଯାଉଛି, ଭିଡିଓରେ ଥିବା ବାବୁ ଜଣକ କୁଆଡେ ଗୋପ ବ୍ଲକର ଜଣେ ସରକାରୀ କର୍ମଚାରୀ। ଜଣେ ସରକାରୀ କର୍କଚାରୀଙ୍କ ଏପରି କାମକୁ ନେଇ ବିଭିନ୍ନ ମହଲରେ ପ୍ରତିକ୍ରିୟା ପ୍ରକାଶ ପାଇଛି । ତ୍ରିରଙ୍ଗା ପତାକା ଖାଲି କପଡାଟିଏ ନୁହେଁ । ଏହା ସହ ପ୍ରତ୍ୟେକ ଭାରତୀୟଙ୍କର ରହିଛି ଭାବଗତ ସମ୍ପର୍କ । ତା ଛଡା ପିଲାବେଳୁ ଆମକୁ ଏମିତି ଶିକ୍ଷା ବି ଦିଆଯାଇଛି ଜାତୀୟ ପତାକାକୁ ସମ୍ମାନ ଦେବା ପାଇଁ । ହେଲେ ଏ ବାବୁ ଜଣଙ୍କର ତ୍ରିରଙ୍ଗା ପ୍ରତି ଭାଗଗତ ସମ୍ପର୍କ ତ ଥିବା ପରି ମନେ ହେଉନି । ଏପରିକି ପିଲାଦିନର ଶିକ୍ଷା ବି ସ୍ମରଣ ନାହିଁ । ତେଣୁ ନିଃସଙ୍କୋଚରେ ପୋଛା ମାରି ଚାଲିଛନ୍ତି । ଏହା ଭାରତୀୟଙ୍କ ପାଇଁ ଦୁର୍ଭାଗ୍ୟର କଥା ନୁହେଁ ତ ଆଉ କ’ଣ ?
ତେବେ ଏଠି ଗୋଟିଏ ପ୍ରଶ୍ନ , ଯେଉଁମାନେ ତ୍ରିରଙ୍ଗାକୁ ଅସମ୍ମାନ କରୁଛନ୍ତି, ସେମାନେ ନିଜକୁ ଭାରତୀୟ ବୋଲି ଦାବି କରି ପାରିବେ ତ?