ପ୍ରତିଶୃତି ରକ୍ଷା କଲେ ରେଳମନ୍ତ୍ରୀ; କଟକ ରେଳ ଷ୍ଟେସନରେ ‘ଗୋଟିଏ ଷ୍ଟେସନ୍-ଗୋଟିଏ ଉତ୍ପାଦ ଷ୍ଟଲ୍’ ରେ ଉପଲବ୍ଧ ହେଲା ‘ମାଣିଆବନ୍ଧ ଶାଢୀ’

କଟକ: କଥା ଦେଇ କଥା ରଖିଲେ ରେଳ ମନ୍ତ୍ରୀ ଅଶ୍ୱିନୀ ବୈଷ୍ଣବ । କଟକ ରେଳ ଷ୍ଟେସନରେ ଥିବା ‘ଗୋଟିଏ ଷ୍ଟେସନ୍-ଗୋଟିଏ ଉତ୍ପାଦ ଷ୍ଟଲ୍’ ରେ ଉପଲବ୍ଧ ହେଲା ମାଣିଆବନ୍ଧ ଶୀଢୀ । ବର୍ତ୍ତମାନ କଟକ ରେଳ ଷ୍ଟେସନରେ ଥିବା ଯାତ୍ରୀମାନେ ଷ୍ଟେସନ ପରିସରରେ ପ୍ରସିଦ୍ଧ ମାଣିଆବନ୍ଧ ହ୍ୟାଣ୍ଡଲୁମ୍ ଉତ୍ପାଦ ପାଇପାରିବେ ।

ନିକଟରେ ଓଡିଶାର ବଡମ୍ବା ଗସ୍ତ ରେ ଆସି ରେଳମନ୍ତ୍ରୀ ଶ୍ରୀ ଅଶ୍ୱିନୀ ବୈଷ୍ଣବ, ମାଣିଆବନ୍ଧ ହସ୍ତତନ୍ତ ଶାଢୀ ବୁଣାକାରଙ୍କୁ ‘ଗୋଟିଏ ଷ୍ଟେସନ୍-ଗୋଟିଏ ଉତ୍ପାଦ ଷ୍ଟଲ୍’ ଯୋଜନା ରେ, କଟକ ଷ୍ଟେସନରେ ମାଣିଆବନ୍ଧ ହସ୍ତଦନ୍ତ ଉତ୍ପାଦ ବିକ୍ରୟର ସୁଯୋଗ ଦେବା ପାଇଁ ପ୍ରତିଶୃତି ଦେଇଥିଲେ ।

ଗୋଟିଏ ଷ୍ଟେସନ୍-ଗୋଟିଏ ଉତ୍ପାଦ: ସ୍ଥାନୀୟ କାରିଗର, କୁମ୍ଭକାର, ବୁଣାକାର/ହ୍ୟାଣ୍ଡଲୁମ୍ ବୁଣାକାର, ଆଦିବାସୀ ମାନଙ୍କର ଜୀବିକା ବୃଦ୍ଧି ତଥା କଲ୍ୟାଣ ଉଦ୍ଦେଶ୍ୟରେ ଭାରତ ସରକାରଙ୍କ ଦ୍ଵାରା ଘୋଷଣା କରାଯାଇଥିବା ଏକ ଯୋଜନା । ରେଳ ଷ୍ଟେସନ ସେମାନଙ୍କ ଉତ୍ପାଦକୁ ପ୍ରୋତ୍ସାହିତ କରିବା ପାଇଁ ଏକ ମାର୍କେଟିଂ ଚ୍ୟାନେଲ ଭାବରେ କାର୍ଯ୍ୟ କରିବ ।

ଏହି ପଦକ୍ଷେପର ଏକ ଅଂଶ ଭାବରେ, 5 ହଜାର ରୁ ଅଧିକ ବୁଣାକାରଙ୍କୁ ନେଇ ଗଠିତ ମାଣିଆବନ୍ଧ ହ୍ୟାଣ୍ଡଲୁମ୍ କ୍ଲଷ୍ଟର କନ୍ସୋର୍ଟିୟମ୍, କଟକ ରେଳ ଷ୍ଟେସନକୁ ଯାଉଥିବା ଯାତ୍ରୀମାନଙ୍କୁ ହସ୍ତତନ୍ତ ଉତ୍ପାଦ ପ୍ରଦର୍ଶନ ଏବଂ ବିକ୍ରୟ କରିବାର ସୁଯୋଗ ପାଇଛି ।

ରେଳ ଷ୍ଟେସନରେ ଥିବା ଗୋଟିଏ ‘ଗୋଟିଏ ଷ୍ଟେସନ୍-ଗୋଟିଏ ଉତ୍ପାଦ ଷ୍ଟଲ୍’ ପ୍ରଧାନ ମନ୍ତ୍ରୀ ବିଶ୍ୱକର୍ମା ଯୋଜନା ଅଧୀନରେ ଉପକୃତ ହୋଇଥିବା କାରିଗର ଏବଂ ହସ୍ତଶିଳ୍ପ ଲୋକଙ୍କ ପାଇଁ ଏକ ମଞ୍ଚ ଭାବରେ କାର୍ଯ୍ୟ କରୁଛି । ପ୍ରଧାନମନ୍ତ୍ରୀ ବିଶ୍ୱକର୍ମା ଯୋଜନା, ଭାରତ ସରକାରଙ୍କ ଦ୍ୱାରା, ବିଶ୍ୱକର୍ମା ସମ୍ପ୍ରଦାୟର କାରିଗର ଓ କାରିଗରମାନଙ୍କୁ ସମର୍ଥନ ଏବଂ ଉନ୍ନତି ପାଇଁ ନିଆଯାଇଥିବା ଏକ ପଦକ୍ଷେପ ।

ବର୍ତ୍ତମାନ ଖୋର୍ଦ୍ଧା ରୋଡ଼ ମଣ୍ଡଳ ରେ 12 ଟି ରେଳ ଷ୍ଟେସନରେ ଓଏସ୍ଓପି ଷ୍ଟଲସ୍ ଚାଲୁ ଅଛି । ସେଗୁଡିକ ହେଲା ଭୁବନେଶ୍ୱର, ପୁରୀ, ଖୋର୍ଦ୍ଧା ରୋଡ଼, ବାଲୁଗାଓଁ, ଛତ୍ରପୁର, ବ୍ରହ୍ମପୁର, ପଲାସା, କଟକ, ଯାଜପୁର କେନ୍ଦୁଝର ରୋଡ଼, ଭଦ୍ରକ, ଅନୁଗୁଳ ଏବଂ ଢେଙ୍କାନାଳ ରେଳ ଷ୍ଟେସନ । ଏହି ଷ୍ଟେସନରେ ସ୍ଥାନୀୟ କାରିଗରଙ୍କ ଉତ୍ପାଦ ପ୍ରଦର୍ଶିତ ହେଉଛି ।