ନୂଆଦିଲ୍ଲୀ: ଶିଖର ଧୱନ, ୟୁଜଭେନ୍ଦ୍ର ଚହଲଙ୍କ ପରେ ଏବେ ଭାରତର ଆଉ ଜଣେ କ୍ରିକେଟରଙ୍କ ବିବାହ ବିଚ୍ଛେଦ ଘଟିବାକୁ ଯାଉଛି ଆଶଙ୍କା କରାଯାଉଛି ସୋସିଆଲ ମିଡିଆ ଆକାଂଉଟରେ ମନୀଷ ପାଣ୍ଡେ ତାଙ୍କ ପତ୍ନୀ ଆଶ୍ରିତ ଶେଟ୍ଟୀଙ୍କ ଫଟୋ ହଟେଇ ଦେଇଛନ୍ତି । ରିପୋର୍ଟ ଅନୁସାରେ ଉଭୟଙ୍କ ମଧ୍ୟରେ ଦିନକୁ ଦିନ ସମ୍ପର୍କ ଖରାପ ହେବାରେ ଲାଗିଛି । ଟିମ ଇଣ୍ଡିଆରୁ ବାଦ ପଡିଥିବା ମନୀଷ ସୋସିଆଲ ମିଡିଆରେ କମ ଆକ୍ଟିଭ ରୁହନ୍ତି । ସେ ଏବେ ତାଙ୍କ ଆକାଂଉଟରୁ ପତ୍ନୀଙ୍କ ଫଟୋ ଡିଲିଟ କରିଛନ୍ତି । ଏପରିକି ଉଭୟ ଏବେ ପରସ୍ପରକୁ ଫଲୋ ମଧ୍ୟ କରୁ ନାହାନ୍ତି ।
୨୦୧୫ରେ ଆନ୍ତର୍ଜାତୀୟ କ୍ରିକେଟରେ ପଦାର୍ପଣ କରିଥିବା ମନୀଷ ୨୦୧୯ରେ ଆଶ୍ରିତଙ୍କୁ ବିବାହ କରିଥିଲେ । ଆଶ୍ରିତ ତାମିଲ ଫିଲ୍ମରେ ଅଭିନୟ କରିଛନ୍ତି । ଆଇପିଏଲରେ ପ୍ରଥମ ଭାରତୀୟ ଖେଳାଳି ଭାବେ ମନୀଷ ଶତକ ହାସଲ କରି ଚର୍ଚ୍ଚାକୁ ଆସିଥିଲେ । ସେ ଭାରତ ପକ୍ଷରୁ ୨୯ ଦିିନିକିଆ ଖେଳି ୫୬୬ ରନ ଏବଂ ୩୯ ଟି୨୦ ଖେଳି ୭୦୯ ରନ ସଂଗ୍ରହ କରିଛନ୍ତି ।