ଆଜି ‘ମନ କି ବାତ୍’ରେ ଓଡିଆ ପୁଅଙ୍କ ପ୍ରଶଂସାରେ ଶତମୁଖ ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ୮୭ ତମ ମନ କି ବାତ୍ କାର୍ଯ୍ୟକ୍ରମରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଉ ଜଣେ ଓଡିଆ ପୁଅଙ୍କ ପ୍ରଶଂସା କରିଛନ୍ତି । ସେ ହେଉଛନ୍ତି ପୁରୀର ରାହୁଲ ମହାରଣା ।
ରାହୁଲ ହେଉଛନ୍ତି ଜଣେ ପରିବେଶ ପ୍ରେମୀ । ଆଜିକାଲି ପ୍ଲାଷ୍ଟିକ କବଳରେ ଯେପରି ଆମ ପରିବେଶ ଯେପରି ଅଣନିଃଶ୍ୱାସୀ ହୋଇପଡୁଛି ସେନେଇ ଚିନ୍ତିତ ରାହୁଲ । ତେଣୁ ବୁଲି ବୁଲି ବିଭିନ୍ନ ସ୍ଥାନରୁ ପ୍ଲାଷ୍ଟିକ୍ ବର୍ଜ୍ୟବସ୍ତୁକୁ ସଫା କରୁଛନ୍ତି ରାହୁଲ । ରାହୁଲ ପ୍ରତି ରବିବାର ସଖାଳୁ ସକାଳୁ ତୀର୍ଥ କ୍ଷେତ୍ରରେ ପଡିଥିବା ପ୍ଲାଷ୍ଟିକ୍ ଆର୍ବଜନା ଗୁଡିକୁ ସଫା କରିଥାନ୍ତି ।
୨୨ ବର୍ଷିୟ ରାହୁଲ ପୁରୀ, କୋଣାର୍କ ସହ ବିଭିନ୍ନ ସ୍ଥାନରେ ବୁଲି ବୁଲି ପ୍ଲାଷ୍ଟିକ୍ ଆବର୍ଜନାଗୁଡିକୁ ସଫା କରିଥାନ୍ତି । ବିଶେଷକରି ନଦୀ ଏବଂ ସମୂଦ୍ରକୂଳରେ ପଡୁଥିବା ପ୍ଲାଷ୍ଟିକ ଆବର୍ଜନକୁ ସଫା କରିଥାନ୍ତି ରାହୁଲ । ପ୍ଲାଷ୍ଟିକ୍ ରହିଲେ ନଦୀ ଏବଂ ସମୂଦ୍ର କୂଳରେ ଗଛ ଉଠିବାରେ ବାଧା ସୃଷ୍ଟି କରିଥାଏ ।
ତେଣୁ ରାହୁଲ ଏସବୁ ଆବର୍ଜନାକୁ ହଟାଇ ଲୋକମାନଙ୍କୁ ସଚେତନ କରିବା ପାଇଁ ଚେଷ୍ଟା କରିଥାନ୍ତି । ଏପର୍ଯ୍ୟନ୍ତ ଶହ ଶହ କିଲୋର ପ୍ଲାଷ୍ଟିକ ବର୍ଜ୍ୟ ସଫା କରି ରେଡର୍କ କରିଛନ୍ତି ରାହୁଲ ।
Comments are closed.