ମାଲକାନଗିରି: ପୁଣି ମାତିଲେ ମାଓବାଦୀ । ମାଲକାନଗିରି ସୀମାନ୍ତ ଛତିଶଗଡ଼ର ଗରିଆବନ୍ଧ ଜିଲ୍ଲାରେ ଲଙ୍କାକାଣ୍ଡ ଘଟାଇଛନ୍ତି । ପିପଲଖୁଟା ଗାଁ ନିକଟରେ ୫ରୁ ଅଧିକ ଗାଡ଼ିରେ ନିଆଁ ଲଗାଇ ଦେଇଛନ୍ତି ମାଓବାଦୀ । ଏହାପରେ ଠିକାକାମରେ ନିୟୋଜିତ ଜଣେ ସୁପରଭାଇଜରଙ୍କୁ ଅପହରଣ କରି ନେଇଥିବା ସୂଚନା ମିଳିଛି ।
ଅଭିଯୋଗ ହୋଇଛି ଜଳସେଚନ ବିଭାଗ କାମକୁ ବିରୋଧ କରି ଲାଲବାହିନୀ ଏହି ହିଂସାକାଣ୍ଡ ଘଟାଇଛି । କେନାଲ୍ କାମରେ ନିୟୋଜିତ ଥିବା ୫ଟି ଗାଡ଼ରେ ନିଆଁ ଲଗାଇ ଦେଇଛନ୍ତି । ପରେ ସୁପର ଭାଇଜରଙ୍କୁ ସାଙ୍ଗରେ ନେଇ ପଳାଇଛନ୍ତି ମାଓବାଦୀ । ଏହି ଘଟଣା ପରେ ସ୍ଥାନୀୟ ଅଞ୍ଚଳରେ ସୁରକ୍ଷାକର୍ମୀ ପହଞ୍ଚି ସର୍ଚ୍ଚ ଅପରେସନକୁ ଜୋରଦାର ଚଳାଇଛନ୍ତି ।
Comments are closed.