ଭୁବନେଶ୍ୱର: ଆଗଗୁ ଧର୍ମଘଟ ହେବନି । ସ୍ୱାଭାବିକ ଭାବେ ବସ ଚାଲିବ । ଘରୋଇ ବସ ମାଲିକ ସଂଘ ସହ ବୈଠକ ପରେ କହିଛନ୍ତି ପରିବହନ ମନ୍ତ୍ରୀ । ଆଜି ଭୁବନେଶ୍ୱରରେ ଘରୋଇ ବସ ମାଲିକ ସଂଘ ଏବଂ ସରକାରଙ୍କ ମଧ୍ୟରେ ଚାଲିଥିବା ବୈଠକ ଶେଷ ହୋଇଛି । ବୈଠକ ସରିଲା ପରେ ପରିବହନ ମନ୍ତ୍ରୀ କହିଛନ୍ତି, ମାଲିକ ସଂଘ ସହ ଆଲୋଚନା ସଫଳ ହୋଇଛି । ସେପଟେ ବସ ମାଲିକ ସଂଘ କହିଛି, ଧର୍ମଘଟ ସ୍ଥଗିତ ହୋଇଛି, ପ୍ରତ୍ୟାହୃତ ହୋଇନି ।
ଘରୋଇ ବସ ମାଲିକ ଦାବି କରିଥିଲେ, ଲକ୍ଷ୍ମୀବସ ବ୍ଲକରୁ ଜିଲ୍ଲାକୁ ଗଡିବ । ସେମାନଙ୍କ ଦାବିକୁ ବିଚାର କରାଯାଉଛି । ୩୧ ତାରିଖ ଭିତରେ ସଂଘ ପକ୍ଷରୁ ଲିଖିତ ଦାବି ପ୍ରଦାନ କରାଯିବ । ତେବେ ଆଗକୁ ଧର୍ମଘଟ ହେବନି ବୋଲି କହିଥିଲେ ପରିବହନ ମନ୍ତ୍ରୀ ଟୁକୁନି ସାହୁ ।
ସରକାରଙ୍କ ପକ୍ଷରୁ ଚାଲୁଥିବା ଲକ୍ଷ୍ମୀ ବସକୁ ବିରୋଧ କରି ଆସୁଛନ୍ତି ଘରୋଇ ବସ ମାଲିକ ସଂଘ । ବ୍ଲକ ହେର୍ଡ କ୍ୱାର୍ଟର୍ସରୁ ଜିଲ୍ଲା ହେଡ କ୍ୱାର୍ଟର୍ସକୁ ଲକ୍ଷ୍ମୀ ବସ୍ ଚଳାଚଳ କରିବା ଦ୍ୱାରା ଘରୋଇ ବସ ମାଲିକ କ୍ଷତିଗ୍ରସ୍ତ ହେବେ । ବହୁ କର୍ମଚାରୀ କାମ ହରାଇବେ । ଏହାକୁ ବିରୋଧ କରି ଘରୋଇ ବସ ମାଲିକ ସଂଘ ପକ୍ଷରୁ ଧର୍ମଘଟ ଡାକରା ଦିଆଯାଇଥିଲା । ଏପରିକି ପୂଜା ପୂର୍ବରୁ ଅର୍ଥାତ ଶୁକ୍ରବାର ବସ ଚଳାଚଳ ବନ୍ଦ ରଖିଥିଲେ ମାଲିକ ସଂଘ ।
Comments are closed.