ପୁରୁଷ ହକିରେ କାନାଡା ବିପକ୍ଷରେ ଭାରତର ବୃହତ ବିଜୟ

ବର୍ମିଂହାମ: ଚଳିତ ରାଜ୍ୟଗୋଷ୍ଠୀ କ୍ରୀଡାରେ ଭାରତୀୟ ପୁରୁଷ ହକି ଦଳ ପ୍ରଭାବୀ ପ୍ରଦର୍ଶନ ଜାରୀ ରଖି ସେମିଫାଇନାଲର ନିକଟତର ହୋଇଛନ୍ତି । ବୁଧବାର ଭାରତ ୮-୦ ଗୋଲରେ କାନାଡାକୁ ପରାସ୍ତ କରିଛି । ଗୁରୁବାର ୱେଲ୍ସ ବିପକ୍ଷ ମ୍ୟାଚ ପରେ ଭାରତର ସେମିଫାଇନାଲ ସ୍ଥିତି ଜଣାପଡିବ । ଏହି ଏକତରଫା ମ୍ୟାଚରେ ଭାରତ ପକ୍ଷରୁ ହରମନପ୍ରୀତ ସିଂ ଓ ଅକ୍ଷଦୀପ ସିଂ ଡବଲ ଗୋଲ ସ୍କୋର କରିଥିବା ବେଳେ ମନଦୀପ ସିଂ, ଗୁରୁଜନ୍ତ ସିଂ, ଅମିତ ରୋହିଦାସ ଓ ଲଳିତ ଉପାଧ୍ୟାୟ ଗୋଟିଏ ଲେଖାଁଏ ଗୋଲ ଦେଇଥିଲେ । ପୂର୍ବରୁ ଭାରତର ମହିଳା ଟିମ କାନାଡାକୁ ପରାସ୍ତ କରି ସେମିରେ ପ୍ରବେଶ କରିଛି ।
ଜୁଡୋ, ବକ୍ସିଂରେ ନିଶ୍ଚିତ ହେଲା ୨ ପଦକ: ଭାରତର ତୁଳୀକା ମାନ ୭୮ କିଲୋଗ୍ରାମ ମହିଳା ଜୁଡୋର ଫାଇନାଲରେ ପ୍ରବେଶ କରିଛନ୍ତି । ସେମିଫାଇନାଲରେ ସେ ନ୍ୟୁଜିଲାଣ୍ଡର ସିଡନୀ ଆଣ୍ଡ୍ର‌୍ୟୁଜଙ୍କୁ ହରାଇଥିଲେ । ୪୮ କେଜି ମହିଳା ବକ୍ସିଂରେ ନୀତୁ ଘନଗାସ ସେମିରେ ପ୍ରବେଶ କରି ପଦକ ନିଶ୍ଚିତ କରିଛନ୍ତି ।