ନୂଆଦିଲ୍ଲୀ: ଟି ଟ୍ବେଣ୍ଟି କ୍ରିକେଟରୁ ଅବସର ଘୋଷଣା କଲେ ମିଚେଲ୍ ଷ୍ଟାର୍କ। ଅଷ୍ଟ୍ରେଲିଆର ଫାଷ୍ଟ ବୋଲର ଷ୍ଟାର୍କଙ୍କ ଅବସର ଘୋଷଣା। ଟେଷ୍ଟ ଓ ଦିନିକିଆ ବିଶ୍ବକପକୁ ଦୃଷ୍ଟିରେ ରଖି ନେଲେ ଏପରି ନିଷ୍ପତ୍ତି । ୬୫ଟି ଟି ଟ୍ବେଣ୍ଟି ଖେଳି ୭୯ ୱିକେଟ ନେଇଛନ୍ତି ଷ୍ଟାର୍କ।
ମିଚେଲ ଷ୍ଟାର୍କ ୨୦୧୨ ମସିହାରେ ଅଷ୍ଟ୍ରେଲିଆ ପାଇଁ ଅନ୍ତର୍ଜାତୀୟ କ୍ରିକେଟର ସବୁଠାରୁ ଛୋଟ ଫର୍ମାଟରେ ଡେବ୍ୟୁ କରିଥିଲେ। ଏବେ ୧୩ ବର୍ଷ ପରେ ସେ ଏଥିରୁ ବିଦାୟ ନେଇଛନ୍ତି। କେହି ଆଶା କରିନଥିଲେ ଯେ, ମିଚେଲ ଏବେ ଅବସର ନେବେ। ସେ ହଠାତ୍ ଟି-୨୦ ଅନ୍ତର୍ଜାତୀୟକୁ ବିଦାୟ ଦେଇ ପ୍ରଶଂସକମାନଙ୍କୁ ସେ ଆଶ୍ଚର୍ଯ୍ୟ କରିଛନ୍ତି। ମିଚେଲ ଏବେ ଏହାର କାରଣ କହିଛନ୍ତି।
ମିଚେଲ ଷ୍ଟାର୍କ ନିଜ ବିବୃତ୍ତିରେ କହିଛନ୍ତି ଯେ, ସେ ଭାରତ ବିପକ୍ଷ ସିରିଜ୍, ଦିନିକିଆ ବିଶ୍ୱକପ୍ ଏବଂ ଆଶେସ୍ ପାଇଁ ନିଜକୁ ଫିଟ୍ ରଖିବାକୁ ଚାହାଁନ୍ତି। ସେଥିପାଇଁ ସେ ଟି-୨୦ ଅନ୍ତର୍ଜାତୀୟକୁ ବିଦାୟ ଦେବାକୁ ଉଚିତ ମନେ କରିଥିଲେ। ‘ମୋର ନଜର ଏବେ ଟିମ୍ ଇଣ୍ଡିଆ ବିପକ୍ଷ ଟେଷ୍ଟ, ଆଶେସ୍ ଏବଂ ୨୦୨୭ ଦିନିକିଆ ବିଶ୍ୱକପ୍ ଉପରେ। ମୁଁ ଭାବୁଛି ଏହା ମୋ ପାଇଁ ସମ୍ପୂର୍ଣ୍ଣ ଫିଟ୍ ଏବଂ ସତେଜ ରହିବାର ସର୍ବୋତ୍ତମ ଉପାୟ। ଏହା ବୋଲିଂ ଗ୍ରୁପକୁ ଟି-୨୦ ବିଶ୍ୱକପ୍ ପୂର୍ବରୁ ମ୍ୟାଚ୍ ପାଇଁ ପ୍ରସ୍ତୁତି କରିବାର ଏକ ଭଲ ସୁଯୋଗ।’
Comments are closed.