ଭୁବନେଶ୍ୱର: ମୋ ସ୍କୁଲ ଅଭିଯାନର ୧୭ତମ କାର୍ଯ୍ୟନିର୍ବାହୀ ପରିଷଦ ବୈଠକ ମଙ୍ଗଳବାର ଦିନ ଅନୁଷ୍ଠିତ ହୋଇଯାଇଛି ।
ଏଥିରେ ୧୫ଟି ଜିଲ୍ଲାରେ ୩,୧୪,୨୪,୫୬୮ ଟଙ୍କା ମୂଲ୍ୟ ବିନିମୟରେ ୨୩୬ଟି ସ୍କୁଲ ପ୍ରକଳ୍ପକୁ ଅନୁମୋଦନ ମିଳିଛି ।
ଏକ ଭର୍ଚୁଆଲ୍ ମୋଡରେ ପ୍ରମୁଖ ଶାସନ ସଚିବ ସତ୍ୟବ୍ରତ ସାହୁ ଏହି ବୈଠକର ଅଧ୍ୟକ୍ଷତା କରିଥିଲେ ।
ଏହି ୧୫ଟି ଜିଲ୍ଲା ହେଉଛି ଅନୁଗୁଳ, ବରଗଡ, ଭଦ୍ରକ, ବଲାଙ୍ଗୀର, କଟକ, ଢ଼େଙ୍କାନାଳ, ଗଞ୍ଜାମ, ଯାଜପୁର, କଳାହାଣ୍ଡି, କେନ୍ଦ୍ରାପଡା, ଖୋର୍ଦ୍ଧା, ମୟୂରଭଞ୍ଜ, ନୂଆପଡା, ସୁବର୍ଣ୍ଣପୁର ଏବଂ ସୁନ୍ଦରଗଡ ।
ଏଥିରେ ୧,୦୪,୭୪,୮୫୬ ଟଙ୍କାର ଅନୁଦାନ ରାଶି ସହିତ ରାଜ୍ୟ ସରକାରଙ୍କ ୨,୦୯,୪୯,୭୧୨ଟଙ୍କା ସହାୟତା ରାଶି ରହିଛି ।
କାର୍ଯ୍ୟନିର୍ବାହୀ ପରିଷଦ, ଏହାର ଭର୍ଚୁଆଲ୍ ବୈଠକରେ, କୋଭିଡ ମହାମାରୀ ସମୟରେ ଏହି ପ୍ରକାର ଆର୍ଥିକ ସଂଗ୍ରହ ପାଇଁ ଆଲୁମିନି ଏବଂ ବିଦ୍ୟାଳୟଗୁଡିକର ପ୍ରୟାସକୁ ପ୍ରଶଂସା କରିଥିଲା
ନଭେମ୍ବର ୧୪, ୨୦୧୭ ରେ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଆରମ୍ଭ ହୋଇଥିବା ମୋ ସ୍କୁଲ ଅଭିଯାନ ଦେଶର ସର୍ବ ବୃହତ ଆଲୁମିନି ଅବଦାନ କାର୍ଯ୍ୟକ୍ରମରେ ପରିଣତ ହୋଇଛି । ଏହି ପ୍ରକଳ୍ପ ମୂଲ୍ୟ ଅକ୍ଟୋବର ୨୦୨୦ରେ ୧୩୦ କୋଟି ଟଙ୍କା ଛୁଇଁଛି।
କାର୍ଯ୍ୟନିର୍ବାହୀ ପରିଷଦ ଟାଟା ଟ୍ରଷ୍ଟ, ରାଉଣ୍ଡ ଟେବୁଲ୍ ଇଣ୍ଟରନ୍ୟାସନାଲ୍, ୱାନ୍ ସ୍କୁଲ୍ ଆଟ ଏ ଟାଇମ୍ ସହିତ ପ୍ରସ୍ତାବିତ ସହଯୋଗ ଉପରେ ମଧ୍ୟ ଆଲୋଚନା କରିଥିଲା ଏବଂ ସରକାରୀ ଅନୁମୋଦନ ପରେ କାର୍ଯ୍ୟକ୍ରମ ଆରମ୍ଭ କରିବାକୁ ନିଷ୍ପତ୍ତି ନେଇଥିଲା।
କାର୍ଯ୍ୟନିର୍ବାହୀ ପରିଷଦ ମଧ୍ୟ ଆଲୁମିନି ସଂଗ୍ରହ କରିବା ତଥା ଆର୍ଥିକ ବର୍ଷ ଶେଷ ସୁଦ୍ଧା କାର୍ଯ୍ୟକ୍ରମକୁ ୨୫,୦୦୦ ପର୍ଯ୍ୟନ୍ତ ବୃଦ୍ଧି କରିବାକୁ ଏକ ଅଭିଯାନ ଚଳାଇବାକୁ ନିଷ୍ପତ୍ତି ନେଇଛି।