ନୂଆଦିଲ୍ଲୀ: ବୁଧବାର କେନ୍ଦ୍ର କ୍ୟାବିନେଟ ବୈଠକ ଅନୁଷ୍ଠିତ ହୋଇଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱରେ ଏହି ବୈଠକ ଅନୁଷ୍ଠିତ ହୋଇଥିଲା। ଏହା ପରେ କେନ୍ଦ୍ର ମନ୍ତ୍ରୀ ପ୍ରକାଶ ଜାଭଡେକର, ରବି ଶଙ୍କର ପ୍ରସାଦ ଏବଂ ସନ୍ତୋଷ ଗାଙ୍ଗୱାର କ୍ୟାବିନେଟ ନିଷ୍ପତ୍ତି ସମ୍ପର୍କରେ ସୂଚନା ଦେଇଥିଲେ। ତେବେ କୃଷି ଆଇନ ଉପରେ ଚାଷୀଙ୍କ ଆନ୍ଦୋଳନ ମଧ୍ୟରେ ଏହି ବୈଠକ ବସିଥିଲା।
କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦଙ୍କ ଅନୁଯାୟୀ ସରକାର ଦେଶରେ ୧ କୋଟି ଡାଟା କେନ୍ଦ୍ର ଖୋଲିବେ। ଏହି ଯୋଜନାର ନାମ ପ୍ରଧାନମନ୍ତ୍ରୀ ୱାଇ-ଫାଇ ଆକ୍ସେସ୍ ଇଣ୍ଟରଫେସ୍, ଯାହା ମାଧ୍ୟମରେ ଦେଶରେ ୱାଇ-ଫାଇ ବିପ୍ଳବ ଅଣାଯିବ।
ଏହା ଅଧୀନରେ ସରକାର ପବ୍ଲିକ ଡାଟା ଅଫିସ୍ ପିଡିଓ ଖୋଲିବେ, ଏଥିପାଇଁ କୌଣସି ଲାଇସେନ୍ସ ଆବଶ୍ୟକ ହେବ ନାହିଁ। ଯେକୌଣସି ବିଦ୍ୟମାନ ଦୋକାନକୁ ଡାଟା ଅଫିସରେ ପରିଣତ କରାଯିବ। ୭ ଦିନ ମଧ୍ୟରେ ଡାଟା ଅଫିସ୍, ଡାଟା ଏଗ୍ରିଗେଟର୍, ଆପ୍ ସିଷ୍ଟମ୍ ପାଇଁ କେନ୍ଦ୍ର ଖୋଲିବାକୁ ସରକାର ଅନୁମତି ମିଳିବ।
କେନ୍ଦ୍ର ମନ୍ତ୍ରୀ ରବି ଶଙ୍କର ପ୍ରସାଦ କହିଛନ୍ତି ଯେ ଲକ୍ଷ୍ମୀଦ୍ୱୀପ ଦ୍ୱୀପପୁଞ୍ଜରେ ଫାଇବର ସଂଯୋଗ ମଧ୍ୟ କରାଯିବ। ୧୦୦୦ ଦିନ ମଧ୍ୟରେ କୋଚିରୁ ଲକ୍ଷ୍ମଦ୍ୱୀପ ୧୧ ଦ୍ୱୀପକୁ କନେକ୍ଟିଭିଟି ବିତରଣ କରାଯିବ।