ନୂଆଦିଲ୍ଲୀ: ଜୁଲାଇ ୨୧ରୁ ସଂସଦର ମୌସୁମୀ ଅଧିବେଶନ। ଅଗଷ୍ଟ ୧୨ ପର୍ଯ୍ୟନ୍ତ ଚାଲିବ ମୌସୁମୀ ଅଧିବେଶନ। ଏନେଇ ସୂଚନା ଦେଇଛନ୍ତି ସଂସଦୀୟ ବ୍ୟାପାର ମନ୍ତ୍ରୀ କିରଣ ରିଜିଜୁ। ଏହି ଅଧିବେଶନ ଆସନ୍ତା ଅଗଷ୍ଟ ୧୨ତାରିଖ ପର୍ଯ୍ୟନ୍ତ ଚାଲିବ।
ଏହି ଅଧିବେଶନରେ ବିଭିନ୍ନ ପ୍ରସଙ୍ଗରେ ଆଲୋଚନା ହେବା ସହ ସରକାରଙ୍କୁ ଘେରିବେ ବିରୋଧୀ। ଅପରେସନ ସିନ୍ଦୂର ପରେ ବିରୋଧୀମାନେ ସ୍ୱତନ୍ତ୍ର ଅଧିବେଶନ ବସିବାକୁ ଦାବି କରୁଥିଲେ। ସୂଚନା ଅନୁଯାୟୀ, ସରକାର ନିୟମ ଅନୁଯାୟୀ ଅପରେସନ ସିନ୍ଦୂର ଉପରେ ଆଲୋଚନା ହୋଇପାରେ।
ତିନି ମାସରୁ ଅଧିକ ସମୟ ବିରତି ପରେ, ସଂସଦର ଉଭୟ ଗୃହର ଅଧିବେଶନ ଜୁଲାଇ ୨୧ ସକାଳ ୧୧ଟାରେ ଆରମ୍ଭ ହେବାର କାର୍ଯ୍ୟକ୍ରମ ରହିଛି। ପୂର୍ବରୁ, ସଂସଦର ବଜେଟ୍ ଅଧିବେଶନ ଚଳିତ ବର୍ଷ ଜାନୁଆରୀ ୩୧ ତାରିଖରେ ଆରମ୍ଭ ହୋଇଥିଲା। ୨୦୨୫ ମସିହାର ପ୍ରଥମ ସଂସଦ ଅଧିବେଶନ ଶେଷ ହେବା ସହିତ ଏପ୍ରିଲ ୪ ତାରିଖରେ ଲୋକସଭା ଏବଂ ରାଜ୍ୟସଭା ଉଭୟକୁ ଅନିର୍ଦ୍ଦିଷ୍ଟ କାଳ ପାଇଁ ମୁଲତବୀ କରାଯାଇଥିଲା।
ରିଜିଜୁ କହିଛନ୍ତି ଯେ ଅଧିବେଶନ ସମୟରେ ଅପରେସନ ସିନ୍ଦୂର ବିଷୟରେ ଆଲୋଚନା କରାଯିବ। କେନ୍ଦ୍ରମନ୍ତ୍ରୀ କହିଛନ୍ତି, ପ୍ରତ୍ୟେକ ଅଧିବେଶନ ସ୍ୱତନ୍ତ୍ର ଏବଂ ଆମେ ଅପରେସନ ସିନ୍ଦୂର ସମେତ ସମସ୍ତ ପ୍ରସଙ୍ଗ ଉପରେ ଆଲୋଚନା କରିବୁ। ସରକାର ସମସ୍ତଙ୍କୁ ସାଙ୍ଗରେ ନେଇ ଚାଲିବାକୁ ଚାହାଁନ୍ତି – ଆମେ ବିରୋଧୀ ଦଳ ସହିତ ଯୋଗାଯୋଗ କରିଛୁ ଏବଂ ଆଶା କରୁଛୁ ଯେ ସମସ୍ତେ ଏକଜୁଟ ହୋଇ ମତ ନେବେ। ରିଜିଜୁ କହିଛନ୍ତି, ନିୟମ ଅନୁଯାୟୀ ମୌସୁମୀ ଅଧିବେଶନ ସମୟରେ ସମସ୍ତ ପ୍ରସଙ୍ଗ ଉପରେ ଆଲୋଚନା କରାଯିବ।
Comments are closed.