ୟୁକ୍ରେନରେ ମୃତ ମେଡିକାଲ ଛାତ୍ର ନବୀନଙ୍କ ମୃତଦେହ ବେଙ୍ଗାଲୁରୁରେ ପହଞ୍ଚିଲା

ବେଙ୍ଗାଳୁରୁ: ୟୁକ୍ରେନ୍ ଖାରକିଭରେ ରୁଷ ସେନାର ବିସ୍ଫୋରଣରେ ମୃତ୍ୟୁବରଣ କରିଥିବା ଭାରତୀୟ ମେଡିକାଲ ଛାତ୍ର ନବୀନ ଜ୍ଞାନଗୌଦରଙ୍କ ମୃତଦେହ ବେଙ୍ଗାଳୁରୁରେ ପହଞ୍ଚିଛି । ମାର୍ଚ୍ଚ ୧ ତାରିଖରେ ତାଙ୍କର ମୃତ୍ୟୁ ହୋଇଥିଲା । ୨୦ ଦିନ ପରେ ମରଶରୀର ଭାରତରେ ପହଞ୍ଚିଛି ।

ବେଙ୍ଗାଳୁରୁ ବିମାନବନ୍ଦରରେ ମୃତଦେହ ପହଞ୍ଚିବା ପରେ ଶୋକାକୁଳ ପରିବେଶ ସୃଷ୍ଟି ହୋଇଥିଲା । ନବୀନଙ୍କ ପରିବାର ଓ ଆତ୍ମୀୟ ତାଙ୍କର ଶେଷ ଦର୍ଶନ କରିଥିଲେ । ଏତିକିବେଳେ କାନ୍ଦ ବୋବାଳିରେ ପରିବେଶ ଫାଟି ପଡ଼ିଥିଲା ।

Family of Naveen Shekharappa Gyangoudar pays their last tribute at his native place in Haveri, Karnataka

He was killed in a shelling attack in #Ukraine️ on March 1st. pic.twitter.com/kgYBqH3Yy0

— ANI (@ANI) March 21, 2022

ସେହିପରି କର୍ଣ୍ଣାଟକ ମୁଖ୍ୟମନ୍ତ୍ରୀ ବାସବରାଜ ବୋମାଇ ବି ଏୟାରପୋର୍ଟ ପରିସରରେ ନବୀନଙ୍କୁ ଶ୍ରଦ୍ଧାଞ୍ଜଳି ଜଣାଇଥିଲେ । କେନ୍ଦ୍ର ସରକାରଙ୍କ ସହଯୋଗରେ ମରଶରୀର ଯୁଦ୍ଧଗ୍ରସ୍ତ ୟୁକ୍ରେନରୁ ଭାରତ ଅଣାଯାଇ ପାରିଛି । ଏଥିପାଇଁ କେନ୍ଦ୍ର ସରକାରଙ୍କୁ ଧନ୍ୟବାଦ ଜଣାଇବା ସହ ଶୋକସନ୍ତପ୍ତ ପରିବାରକୁ ସମବେଦନା ଜଣାଇଛନ୍ତି କର୍ଣ୍ଣାଟକ ମୁଖ୍ୟମନ୍ତ୍ରୀ ।

Mortal remains of Naveen Shekharappa Gyangoudar, who was killed in a shelling attack in #Ukraine️ on March 1st, arrives Bengaluru

Karnataka CM Basavaraj Bommai pays last respects to MBBS student Naveen pic.twitter.com/mzfmlnnrEK

— ANI (@ANI) March 20, 2022

୨୧ ବର୍ଷୀୟ ନବୀନଙ୍କ ଘର କର୍ଣ୍ଣାଟକ ହାଭେରି ଜିଲ୍ଲାରେ । ସେ ଖାରକିଭ୍ ନ୍ୟାସନାଲ୍ ମେଡିକାଲ୍ ୟୁନିଭର୍ସିଟିରେ ପଢୁଥିଲେ । ଗତ ୧ ତାରିଖରେ ଖାଇବା କିଣିବା ପାଇଁ ଧାଡ଼ିରେ ଠିଆ ହୋଇଥିବା ବେଳେ ରୁଷ ସେନାର ବିସ୍ଫୋରଣରେ ତାଙ୍କର ମୃତ୍ୟୁ ହୋଇଥିଲା ।