ମଧ୍ୟପ୍ରଦେଶ: ବୟସ ୧୧୭ ବର୍ଷ । ହେଲେ ପରିଣତ ବୟସରେ ମଧ୍ୟ ସେ ଏଭଳି କିଛି କାମ କରିଛନ୍ତି ଯାହା ତାଙ୍କୁ ସାରା ଦେଶରେ ଚର୍ଚ୍ଚାର ପରିସରକୁ ଆଣିଛି । ୧୧୭ ବର୍ଷରେ ଦେଶର ସବୁଠାରୁ ବୟସ୍କ ଆୟକର ଦାତା ହେବାକୁ ଯାଉଛନ୍ତି ମଧ୍ୟପ୍ରଦେଶର ଗିରିଜା ବାଇ । ପ୍ରତିଷ୍ଠା ଦିବସରେ ଆୟକର ବିଭାଗ ୧୦୦ ବର୍ଷରୁ ଅଧିକ ବୟସ୍କ ଆୟକରଦାତାଙ୍କ ଏକ ତାଲିକା ପ୍ରକାଶ କରିଛି । ଯେଉଁଥିରେ ସାମ୍ନାକୁ ଆସିଛି ଗିରିଜା ବାଇଙ୍କ ନାଁ ।
ମଧ୍ୟପ୍ରଦେଶର ସାଗର ଜିଲ୍ଲାରେ ରହୁଥିବା ଗିରିଜା ବାଇ ତିୱାରୀଙ୍କ ବୟସ ୧୧୭ ବର୍ଷ । ତେବେ ବଡ କଥା ହେଉଛି ଯେ, ସେ ଆଜି ମଧ୍ୟ ତାଙ୍କୁ ମିଳୁଥିବା ପେନସନ୍ ଟଙ୍କାରେ ଆୟକର ପୈଠ କରୁଛନ୍ତି । ଏବେ ଗିରିଜା ବାଇଙ୍କ ନାଁ ରେକର୍ଡ ବୁକରେ ସାମିଲ କରିବା ପ୍ରକ୍ରିୟା ଆରମ୍ଭ ହୋଇସାରିଛି ।
Comments are closed.