ମୁମ୍ବାଇ: ଯେଉଁ ଥାଳିରେ ଖାଉଛ ସେଥିରେ ଛିଦ୍ର କରୁଛ ମନ୍ତବ୍ୟ ଦେଇ ଫସି ଯାଇଛନ୍ତି ଜୟା ବଚ୍ଚନ । ଏଥିନେଇ ବିଭିନ୍ନ ମହଲରେ ତାଙ୍କୁ ସମାଲୋଚନା କରାଯିବା ଆରମ୍ଭ ହୋଇଛି । ଆଜି ମୁକେଶ ଖାନ୍ନା ଏ ନେଇ ମୁହଁ ଖୋଲିଛନ୍ତି । ସେ କହିଛନ୍ତି ଇଣ୍ଡଷ୍ଟ୍ରି କାହା ବାପାର ନୁହେଁ । ଟିଭିରେ ‘ଶକ୍ତିମାନ’ ଓ ‘ମହାଭାରତ’ରେ ପିତାମହ ଭୀଷ୍ମ ଭାବରେ ଅଭିନୟ କରିଥିବା ମୁକେଶ ଖାନ୍ନା ଜୟାଙ୍କୁ କରିଛନ୍ତି ସମାଲୋଚନା । ଇଣ୍ଡଷ୍ଟ୍ରୀରେ ନେପୋଟିଜିମ୍ ଓ ଗ୍ରୁପିଜିମ୍ ବଢିବାରେ ଲାଗିଛି । ବଲିଉଡରେ ଡ୍ରଗ୍ସକୁ ନେଇ ନିଜର ପ୍ରତିକ୍ରିୟା ଦେଇ ମୁକେଶ କହିଛନ୍ତି, ଏହା କୌଣସି ଛୋଟ ସମସ୍ୟା ନୁହେଁ । ଯଦି ଏଠାରେ ଡ୍ରଗ୍ସ ଚାଲୁଛି ଓ ଏହି ପ୍ରସଙ୍ଗ ଉଠାଯାଉଛି ତେବେ ଆପଣଙ୍କୁ କ’ଣ ଅସୁବିଧା ଅଛି ?
ସାଂସଦ ରବି କିଶନ୍ ସଂସଦରେ ବଲିଉଡ ଅଭିନେତା ସୁଶାନ୍ତ ସିଂଙ୍କ ମୃତ୍ୟୁ ମାମଲା ନେଇ ଡ୍ରଗ୍ସ ସମ୍ପର୍କରେ କହିଥିଲେ, ଜୟା ତାଙ୍କୁ ସମାଲୋଚନା କରି କହିଥିଲେ ଯେଉଁଥାଳିରେ ଖାଇଲେ ତାକୁ କଣା କଲେ, ଏହା ଲଜ୍ୟାଜନକ । ଜୟାଙ୍କ ଏହି ମନ୍ତବ୍ୟକୁ ପୂର୍ବରୁ ରଣବୀର ସୌରୀ, ଜୟାପ୍ରଦା, ଶେଖର ସୁମନ, କଙ୍ଗାନା ଓ ଭୋଜପୁରୀ ଇଣ୍ଡଷ୍ଟ୍ରୀର କଳାକାର କଡା ସମାଲୋଚନା କରିଥିଲେ।
Comments are closed.