ମୁମ୍ବାଇ: ମୁମ୍ବାଇ ବୋଟ୍ ଟ୍ରାଜେଡି । ମିଳିଲା ଆଉ ଜଣଙ୍କ ମୃତଦେହ । ସମୁଦ୍ରରୁ ଆଉ ଜଣଙ୍କ ମୃତ ଦେହ ଉଦ୍ଧାର କରିଛନ୍ତି କୋଷ୍ଟଗାର୍ଡ କର୍ମୀ । ମୃତକ ଜଣଙ୍କ ହେଉଛନ୍ତି ଜଣେ ୪୩ ବର୍ଷୀୟ ଯୁବକ । ଏହାକୁ ମିଶାଇ ମୃତ୍ୟୁ ସଂଖ୍ୟା ଏବେ ୧୪କୁ ବୃଦ୍ଧି ପାଇଛି । ତେବେ ଏବେ ବି ଜଣେ ନାବାଳକ ନିଖୋଜ ଥିବା ନେଇ ସୂଚନା ମିଳିଛି ।
ସୂଚନାଯୋଗ୍ୟ, ଗତ ବୁଧବାର ଅପରାହ୍ନ ପ୍ରାୟ ୪ଟା ସମୟରେ ଇଞ୍ଜିନ ଟ୍ରାଏଲ ପାଇଁ ସମୁଦ୍ରରେ ଚକର ମାରୁଥିବା ନୌସେନାର ସ୍ପିଡ ବୋଟ୍ ଟି ହଠାତ୍ ନିୟନ୍ତ୍ରଣ ହରାଇ ସାମ୍ନାରୁ ଆସୁଥିବା ‘ନୀଲକମଲ’ ଯାତ୍ରୀବାହୀ ବୋଟ୍ ସହିତ ମୁହାଁମୁହିଁ ଧକ୍କା ହୋଇଥିଲା । ଫଳରେ ଓଲଟି ପଡିଥିଲା ଯାତ୍ରୀବାହୀ ବୋଟ । ଖବର ପାଇ ନୌସେନାର ୪ଟି ନାଭାଲ ହେଲିକପ୍ଟର ଏକ କୋଷ୍ଟଗାର୍ଡ ବୋଟ୍ ଓ ୧୧ଟି ନାଭାଲ କ୍ରାଫ୍ଟ ଉଦ୍ଧାର କାର୍ଯ୍ୟ ଆରମ୍ଭ କରିଥିଲେ । ଘଟଣାସ୍ଥଳରେ ୧୩ ଜଣଙ୍କର ମୃତ୍ୟୁ ହୋଇଥିବା ବେଳେ ୧୧୫ରୁ ଉର୍ଦ୍ଧ୍ଵ ଲୋକଙ୍କୁ ଉଦ୍ଧାର କରାଯାଇଥିଲା । ତେବେ ୨ ଜଣ ନିଖୋଜ ଥିବା ବେଳେ ଆଜି ଜଣେ ଯୁବକଙ୍କ ମୃତ ଦେହ ମିଳିଛି । ତେବେ ଏବେବି ଜଣେ ନାବାଳକ ନିଖୋଜ ଥିବା ନେଇ ସୂଚନା ମିଳିଛି ।