ଇଜିପ୍ଟ: ଶନିବାର ଭୂତତ୍ତ୍ୱବିତମାନେ ଏକ ମମ୍ମି କଫିନକୁ ଖୋଲିଛନ୍ତି । ଆଉ ତା ପୁଣି ୨୫୦୦ ବର୍ଷ ପୁରୁଣା । ଇଜିପ୍ଟରେ ଏହି କଫିନକୁ ସର୍ବସାଧାରଣରେ ଖୋଲାଯାଇଥିଲା । କଫିନକୁ ଖୋଲାଯିବାର ଭିଡିଓଟି ଏବେ ସୋସିଆଲ ମିଡିଆରେ ଭାଇରାଲ୍ ହୋଇଛି ।
ଚଳିତବର୍ଷ ଦକ୍ଷିଣ କାଇରୋର ସକ୍କାରା ଇଲାକାରେ ଭୂତତ୍ତ୍ୱବିତମାନେ ୫୯ଟି ମମ୍ମି କଫିନ ଖୋଜି ପାଇଥିଲେ । ଏହି ଅଂଚଳରେ ଅନେକ ପିରାମିଡ ଥିଲାବେଳେ ବହୁଚର୍ଚ୍ଚିତ ଗିଜା ପିରାମିଡ ମଧ୍ୟ ରହିଛି । ୧୯୭୦ରେ ଏହି ଅଂଚଳକୁ ୟୁନେସ୍କୋ ବିଶ୍ୱ ହେରିଟେଜ ସାଇଟ୍ ଭାବେ ଘୋଷଣା କରିଥିଲା ।
The mummy tomb, which has been sealed for 2500 years, has been opened for the first time. pic.twitter.com/KWGT95girv
— Psychedelic Art (@VisuallySt) October 5, 2020
କଫିନଟି ଖୋଲାଯିବା ପରେ ସେଥିରେ କପଡାରେ ଆବୃତ୍ତ ଜଣେ ପୂଜାରୀର ମମ୍ମି ଥିବା ଦେଖିବାକୁ ମିଳିଥିଲା । ସୋସିଆଲ ମିଡିଆରେ ଏହି ଭିଡିଓଟି ଖୁବ ଭାଇରାଲ୍ ହୋଇଥିଲାବେଳେ ପ୍ରାଥମିକ ସ୍ତରରେ ଗୋଟିଏ କଫିନ ଖୋଲାଯାଇଛି ।
ଆଗାମୀ ଦିନରେ ବଳକା ୫୮ଟି କଫିନ ଖୋଲାଯିବା ନେଇ ସୂଚନା ରହିଛି । ଖୋଲାଯାଇଥିବା କଫିନ ଓ ମମ୍ମିକୁ ପ୍ରଦର୍ଶନ ପାଇଁ ନ୍ୟୁ ଗ୍ରାଣ୍ଡ ଇଜିପ୍ସିଆନ୍ ମ୍ୟୁଜିୟମକୁ ସ୍ଥାନାନ୍ତିରତ କରାଯାଇଛି ।