ବ୍ରହ୍ମପୁର ହତ୍ୟା ଘଟଣା: ଭାଇ ହତ୍ୟାକାରୀକୁ ଆଜୀବନ କାରାଦଣ୍ଡ ଶୁଣାଇଲେ କୋର୍ଟ

ମାମଲାର ସୂତ୍ର ଅନୁଯାୟୀ, ସୀମା ବେହେରା ବଡ଼ପୁଅ କାଳିଆ, ମଝିଆପୁଅ ପୂର୍ଣ୍ଣଚନ୍ଦ୍ର ଓ ସାନପୁଅ ସୁରେନ୍ଦ୍ରଙ୍କ ସହିତ ନେ‌ହରୁନଗର ସ୍ଥିତ ରାଜୀବ ଆବାସ କଲୋନିରେ ରହୁଥିଲେ। ୨୦୨୩ ଏପ୍ରିଲ ୪ ତାରିଖ ରାତିରେ ସାମାନ୍ୟ କଥାକୁ ନେଇ ଦୁଇଭାଇ ସୁରେନ୍ଦ୍ର ଓ ପୂର୍ଣ୍ଣଙ୍କ ମଧ୍ୟରେ ଗଣ୍ଡଗୋଳ ହେବାରୁ ୫ତାରିଖ ସକାଳୁ ସୀମା କାମରେ ବାହାରକୁ ଚାଲି ଯାଇଥିଲେ। ସୀମା କାମ ସାରି ଘରକୁ ଫେରି ସାନ ପୁଅ ସୁରେନ୍ଦ୍ର ରକ୍ତ ଜୁଡ଼ୁବୁଡ଼ୁ ଅବସ୍ଥାରେ ଘରେ ପଡ଼ିଥିବା ଦେଖିଥିଲେ। ସୀମା ଏ ସମ୍ପର୍କରେ ଥାନାରେ ଅଭିଯୋଗ କରିଥିଲେ। ଅଭିଯୋଗ ସମୟରେ ମଝିଆ ପୁଅ ପୂର୍ଣ୍ଣ ଥାନାରେ ବସିଥିବା ଦେଖିବାକୁ ପାଇଥିଲେ। ସେ ସାନଭାଇ ସୁରେନ୍ଦ୍ରଙ୍କ ମୁଣ୍ଡରେ ଡମ୍ବଲସ୍‌ ଛେଚି ହତ୍ୟା କରିଥିବା ସ୍ବୀକାର କରିଥିଲେ।