ଘରେ ଡାଇନୋସର ଥିବା ଟ୍ୱିଟ କରି ଜଣାଇଲେ ଅନୁଷ୍କା: ଉଦ୍ଧାର କରିବାକୁ ଅନୁମତି ମାଗିଲେ ନାଗପୁର ପୋଲିସ !

ମୁମ୍ବାଇ: ବଲିଉଡ ଅଭିନେତ୍ରୀ ଅନୁଷ୍କାଙ୍କ ଘରେ ଡାଇନୋସର! ଆଶ୍ଚର୍ଯ୍ୟ ହୋଇଗଲେ କି? ତାହେଲେ ଜାଣନ୍ତୁ ପ୍ରକୃତ କଥାଟି କ’ଣ?

ନିକଟରେ ଅଭିନେତ୍ରୀ ଅନୁଷ୍କା ଶର୍ମା ଇନଷ୍ଟାଗ୍ରାମରେ ନିଜ କ୍ରିକେଟର ସ୍ୱାମୀ ବିରାଟ କୋହଲିଙ୍କର ଏକ ଭିଡ଼ିଓ ପୋଷ୍ଟ କରିଛନ୍ତି । ଯେଉଁଥିରେ ସେ ସ୍ୱାମୀ ବିରାଟଙ୍କୁ ଏକ ଡାଇନୋସର ବୋଲି କହିଛନ୍ତି । ଏହି ଭିଡ଼ିଓରେ ବିରାଟ ଡାଇନୋସର ଭଳି ଚାଲି ଚାଲି ଆସି ବକ ଅଦ୍ଭୁତ ସ୍ୱର ବାହାର କରୁଛନ୍ତି ।

କିଛି ସମୟ ମଧ୍ୟରେ ଏହି ଭିଡ଼ିଓଟି ଭାଇରାଲ ହୋଇ ଯାଇଛି । ଅନୁଷ୍କାଙ୍କ ଏହି ଭାଇରାଲ ଭିଡିଓ ନାଗପୁର ପୋଲିସ ମଧ୍ୟ ଏକ ମଜାଳିଆ କମେଣ୍ଟ ଦେଇଛନ୍ତି। ନାଗପୁର ପୋଲିସ ସେମାନଙ୍କ ଅଫିସିଆଲ ଟ୍ୱିଟରୁ ଟୁଇଟ୍ କରି ଲେଖିଛନ୍ତି ଯେ “ଏହାକୁ ଉଦ୍ଧାର କରିବା ପାଇଁ ଆମେ ଉଦ୍ଧାରକାରୀ ଦଳ ପଠାଇବୁ କି”?