ବାରଙ୍ଗ: ନନ୍ଦନକାନନରୁ ଆସିଲା ଆଉ ଏକ ଖୁସି ଖବର । ପ୍ରାଣୀ ଉଦ୍ୟାନକୁ ଆସିବେ ନୂଆ ଅତିଥି । ହୁଲକ୍ ଗିବନ୍ ଓ ପିଗ ଟେଲ ମକ୍କା ସହ ହିମାଳୟାନ ବିୟର ନନ୍ଦନକାନନ ଆସିବା ନେଇ ସୂଚନା ମିଳିଛି । ଏଥିପାଇଁ ମିଜୋରାମ ଅଭିମୁଖେ ବାହାରିଛନ୍ତି ୬ ଜଣିଆ ଟିମ୍ ।
ସୂଚନା ଅନୁଯାୟୀ, ଭୁବନେଶ୍ବର ପ୍ରାଣୀ ଉଦ୍ୟାନ ନନ୍ଦନକାନନ ଓ ଆଇଜ୍ବାଲ ପ୍ରାଣୀ ଉଦ୍ୟାନ ମଧ୍ୟରେ ଜନ୍ତୁ ଅଦଳବଦଳ କାର୍ଯ୍ୟକ୍ରମର ଦ୍ବିତୀୟ ପର୍ଯ୍ୟାୟ ଆରମ୍ଭ ହୋଇଛି । ଗତ ମାର୍ଚ୍ଚ ମାସରେ ଆଇଜ୍ବାଲ ପ୍ରାଣୀ ଉଦ୍ୟାନ ନନ୍ଦନକାନନରୁ ଗୋଟିଏ ଯୋଡ଼ା ବାଘ ନେଇଥିଲା । ଯାହା ବଦଳରେ ଆଇଜ୍ବାଲ ପ୍ରାଣୀ ଉଦ୍ୟାନ ନନ୍ଦନକାନନକୁ ଗୋଟିଏ ଯୁଗଳ ହୁଲକ୍ ଗିବନ୍, ଗୋଟେ ଯୁଗଳ ଘୁଷୁରୀ ଲାଞ୍ଜ ମାକେକ୍ ଓ ଏକ ନମ୍ବର ଓଗ୍ ମହିଳା ହିମାଳୟ ବ୍ଲାକ୍ ଭାଲୁ ଦେବା ନେଇ ସୂଚନା ମିଳିଛି । ଏଥିଲାଗି ୬ ଜଣଆ ଏକ ଟିମ୍ ଏସିଏଫ୍ ଡଃ ସୁଦୀପ୍ତ କୁମାର ପଣ୍ତାଙ୍କ ନେତୃତ୍ବରେ ମିଜୋରାମ ଅଭିମୁଖେ ବାହାରିଥିବା ଜଣାପଡି଼ଛି ।
ଏହା ପୂର୍ବରୁ ନନ୍ଦନକାନନରୁ ଦୁଇଟି ମହାବଳ ବାଘ ଓ ଘଡିଆଳ କୁମ୍ଭୀର ଇଟାନଗର ଯାଇଥିଲେ ତା ବଦଳରେ ଗିବନ ମାଙ୍କଡ଼ ଓ ଚିତା ବିରାଡ଼ି ନନ୍ଦନକାନନ ଆସିଥିଲେ । ଦୀର୍ଘ ୪୦ ବର୍ଷ ପରେ ପ୍ରଣୀ ଉଦ୍ୟାନକୁ ଆସିଲା ଗିବନ୍ ମାଙ୍କଡ । ତେବେ ଦୁଇ ଗିବନଙ୍କ ମଧ୍ୟରୁ ଅଣ୍ଡିରା ଗିବନ୍ ମାଙ୍କଡ ମୁନୁର ବୟସ ୧୦ ବର୍ଷ ୩ ମାସ ହୋଇଥିବା ବେଳେ ମାଇ ଗିବନ୍ ମାଙ୍କଡ ରୋଜାର ବୟସ ୫ ବର୍ଷ ୮ ମାସ ଥିଲା ।