ମୁମ୍ବାଇ: ଅଜୟ ଦେବଗାନଙ୍କ ଫିଲ୍ମ ‘ଔରୋଁ ମୈଁ କାହାଁ ଦମ୍ ଥା’ ବକ୍ସ ଅଫିସରେ ଖରାପ ପ୍ରଦର୍ଶନ କରିଥିଲା। ବର୍ତ୍ତମାନ ଏହା ପ୍ରାଇମ୍ ଭିଡିଓରେ ଷ୍ଟ୍ରିମିଂ ହେଉଛି। ଏହାର ନିର୍ଦ୍ଦେଶନା ଦେଇଛନ୍ତି ନୀରଜ ପାଣ୍ଡେ ଏବଂ ଶୀତଲ ଭାଟିଆ। ଏକାଠି ସେମାନଙ୍କର ପ୍ରଥମ ଉଦ୍ୟମ ଥିଲା ‘ଏ ୱେଡନେସ ଡେ’ ନାମକ ଏକ ଚଳଚ୍ଚିତ୍ର। ଏହା ୨୦୦୮ ରେ ଆସିଥିଲା । ଏଥିରେ ଅନୁପମ ଖେର ଏବଂ ନାସିରୁଦ୍ଦିନ ଶାହା ମୁଖ୍ୟ ଭୂମିକାରେ ଥିଲେ।
ଏ ସମ୍ପର୍କରେ ଶୀତଲ ଭାଟିଆ ପ୍ରକାଶ କରିଛନ୍ତି ଯେ ଅନୁପମ ଖେର ଏବଂ ନାସିରୁଦ୍ଦିନ ଶାହା ଏଥିପାଇଁ କୌଣସି ଫି ନେଇ ନଥିଲେ। ଏହା ସେହି ସମାନ ଚଳଚ୍ଚିତ୍ର ଯେଉଁଥି ପାଇଁ ନାସିର ନିର୍ଦ୍ଦେଶକଙ୍କୁ ପଚାରିଥିଲେ ଏଥିରେ ଥିବା ସମସ୍ତ ଆତଙ୍କବାଦୀ କାହିଁକି ମୁସଲମାନ ଅଟନ୍ତି?
ଅନୁପମ ଖେର ଏବଂ ନାସିରୁଦ୍ଦିନ ଶାହାଙ୍କ ଉଦାରତା-
ଶୀତଲ ଭାଟିଆ ‘ଏ ୱେଡନେସ ଡେ’ ବିଷୟରେ କହିଛନ୍ତି ଯେ ନାସିରୁଦ୍ଦିନ ଶାହା ଏବଂ ଅନୁପମ ଖେରଙ୍କ ଉଦାରତା ହେତୁ ଏହି ଚଳଚ୍ଚିତ୍ର ନିର୍ମାଣ କରାଯାଇପାରିଥିଲା। ସେ କହିଛନ୍ତି, “ପ୍ରତ୍ୟେକ ଅଭିନେତାଙ୍କ ସହ କାମ କରି ଆମେ ବହୁତ ଭାଗ୍ୟବାନ। ମୋର ମନେ ଅଛି, ଯେତେବେଳେ ଆମେ ଅନୁପମ ଖେର ଏବଂ ନାସିର ସାହାବଙ୍କ ନିକଟକୁ ଯାଇଥିଲୁ, ସେମାନେ ଟଙ୍କା ବିଷୟରେ ପଚାରିଥିଲେ। ସେତେବେଳେ ଆମେ କହିଥିଲୁ ଯେ ମୁଁ ପ୍ରଥମ ଥର ପିଲ୍ମ ନିର୍ମାଣ କରୁଛି ଏବଂ ଏହା ମଧ୍ୟ ନୀରଜଙ୍କ ପ୍ରଥମ ଚଳଚ୍ଚିତ୍ର, ତେଣୁ ଆମ ପାଖରେ ଅଧିକ ଟଙ୍କା ନାହିଁ। ଦୁହେଁ ବହୁତ ବଡ ହୃଦୟ ଦେଖାଇଲେ ଏବଂ ଆମଠାରୁ ଗୋଟିଏ ଟଙ୍କା ମଧ୍ୟ ନେଇ ନଥିଲେ। ”
ନାସିରୁଦ୍ଦିନ ଶାହା ଏହି ଚଳଚ୍ଚିତ୍ର ବିଷୟରେ ବହୁତ ବର୍ଷ ପରେ କଥା ହୋଇଥିଲେ। ୨୦୨୩ ମସିହାରେ ଲାଲାଣ୍ଟପକୁ ଦିଆଯାଇଥିବା ଏକ ସାକ୍ଷାତକାରରେ ସେ କହିଥିଲେ ଯେ ଏହି ସ୍କ୍ରିପ୍ଟଟି ତାଙ୍କ ସହିତ ଅନେକ ମାସ ଧରି ପଡି ରହିଥିଲା, ତା’ପରେ ହଠାତ୍ ଦିନେ ସେ ଏହାକୁ ପଢିବାକୁ ଲାଗିଲେ ଏବଂ ଫିଲ୍ମ କରିବାକୁ ରାଜି ହେଲେ। ସେ ଏହା ମଧ୍ୟ କହିଛନ୍ତି ଯେ ସେ ଏହି ଫିଲ୍ମକୁ ପସନ୍ଦ କରନ୍ତି, କିନ୍ତୁ ଏଥିରେ ଏକ ଲୁକ୍କାୟିତ ବାର୍ତ୍ତା ମଧ୍ୟ ରହିଛି। ସମସ୍ତ ଆତଙ୍କବାଦୀ ମୁସଲମାନ ଥିଲେ। ମୁଁ ନୀରଜଙ୍କୁ ପଚାରିଥିଲି କି ନୀରଜ ଏହାକୁ ଉଦ୍ଦେଶ୍ୟମୂଳକ ଭାବେ ରଖିଛନ୍ତି କି? ସେ କହିଲା- ନା, ସେପରି ନୁହେଁ। ଏଥିରେ ରାଜନୈତିକ କିଛି ନାହିଁ।
Comments are closed.