ଭୁବନେଶ୍ୱର : ଜାତୀୟ ଜଳମାର୍ଗ-୫ ତାଳଚେରରୁ ପାରାଦୀପ ଏବଂ ଧାମରା ଷ୍ଟ୍ରେଚ୍ ଆଗକୁ ବଢିବାକୁ ଯାଉଛି। ସେହିପରି ଖୁବ୍ ଶୀଘ୍ର ଏହା କାର୍ଯ୍ୟକାରୀ ହେବ ବୋଲି ବାଣିଜ୍ୟ ଓ ପରିବହନ ବିଭାଗର ପ୍ରମୁଖ ଶାସନ ସଚିବ ଉଷା ପାଢୀ କହିଛନ୍ତି। ଉପକୂଳ ଏବଂ ଆଭ୍ୟନ୍ତରୀଣ ଜଳ ପରିବହନ ଉପରେ ଦୁଇ ଦିନିଆ ଆନ୍ତର୍ଜାତୀୟ ସମ୍ମିଳନୀ ଉଦଘାଟ କରି ଜଳ ପରିବହନ କ୍ଷେତ୍ରର ସବୁଜକରଣ ଉପରେ ବିଶେଷ ଧ୍ୟାନ ଦେଇ ମୁଖ୍ୟ ଅତିଥି ଶ୍ରୀମତୀ ପାଢ଼ୀ କହିଛନ୍ତି, ଆଇଆଇଟି ଚେନ୍ନାଇ ସହଯୋଗରେ “ପରିବହନ, ବନ୍ଦର ଏବଂ ଜଳପଥ ମନ୍ତ୍ରଣାଳୟ ଏବଂ ଭାରତର ଆଭ୍ୟନ୍ତରୀଣ ଜଳପଥ ପ୍ରାଧିକରଣ ଜଳପଥରେ ଥିବା କ୍ରସ୍ ଷ୍ଟ୍ରକଚରର ବିସ୍ତୃତ ଡିଜାଇନ୍, ବ୍ୟୟବରାଦ ଏବଂ ଇଞ୍ଜିନିୟରିଂ ସହିତ ଡିଆରପିର ପ୍ରସ୍ତୁତି ଚୂଡାନ୍ତ ହୋଇଛି । ଏହି ପ୍ରକଳ୍ପର କାର୍ଯ୍ୟକାରିତା ରାଜ୍ୟ ସରକାର, ପରିବହନ ମନ୍ତ୍ରଣାଳୟ ଏବଂ IWAI, କୋଲ ଇଣ୍ଡିଆ ଲିମିଟେଡ୍ ଏବଂ ପାରାଦୀପ ପୋର୍ଟ ଟ୍ରଷ୍ଟକୁ ନେଇ ଗଠିତ ଏସପିଭି ଅଧୀନରେ କରାଯିବ ବୋଲି ସେ କହିଛନ୍ତି।
ସେମିନାରରେ, ଜାତୀୟ ଜଳମାର୍ଗ-୫ ର ବିକାଶ ସହିତ, ପୂର୍ବ ତଟ କେନାଲ ସିଷ୍ଟମର ପ୍ରାରମ୍ଭିକ ବିକାଶ ଏବଂ ଜାତୀୟ ଜଳମାର୍ଗ-୧ ସହିତ ଏହାର ସଂଯୋଗ, ରାଜ୍ୟରେ ସବୁଜ ପରିବହନ ମୋଡ୍ ଏବଂ ଅର୍ଥନୀତି ପାଇଁ ଆଭ୍ୟନ୍ତରୀଣ ନାଭିଗେସନର ଲାଭ ପାଇବାକୁ ଗୁରୁତ୍ୱ ଦିଆଯାଇଥିଲା । ନୌସେନା ସ୍ଥାପତ୍ୟ ଏବଂ ସାମୁଦ୍ରିକ ଇଞ୍ଜିନିୟର ବିଭାଗର ପୂର୍ବତନ ମୁଖ୍ୟ ପ୍ରଫେସର ଆର.ପି. ଗୋକରନ୍, ଆଇଆଇଟି ଖଡଗପୁର ପ୍ରଫେସର କେଶବ ଦେବ, ଭାରତୀୟ ସାମୁଦ୍ରିକ ବିଶ୍ୱବିଦ୍ୟାଳୟର ଅନ୍ୟ ଦୁଇଜଣ ବିଶିଷ୍ଟ ବ୍ୟକ୍ତି ଯେଉଁମାନେ ଏହି ସମ୍ମିଳନୀର ବିଷୟବସ୍ତୁ ଉପରେ ନିଜର ଦୃଷ୍ଟିକୋଣ ଉପସ୍ଥାପନ କରିଥିଲେ।